شه‌فه‌ق نيوز/ ئه‌دميراڵ حه‌بيبوڵلا سيارى جيگر سه‌ركرده‌ى سوپاى ئيرانى ئه‌را كاروبار ريكخستن، ئه‌وه ده‌رخست ك وڵاته‌گه‌ى جواو سه‌خت ديرێد له حاڵه‌ت روێداين هه‌ر جووريگ له ده‌سدرێژى.
له‌ى باوه‌ته‌و ئاژانس ئيسنا ك شه‌فه‌ق نيوز ئاگادارێ بوى، له زووان سيارى وت: يه‌كه‌يل سوپاو هيزه‌يل چه‌كدار ئاماده‌ن ئه‌را جواودانه‌وه‌ى هه‌ر هه‌ڕه‌شه‌يگ له‌بان مه‌رزه‌يل زه‌مينى و ئاسمانى و ده‌ريايى و له‌حاڵ روێداين هه‌ر جووره ده‌سدريژييگ روێ وه‌ڕوێ دوشمنه‌يل ئه‌دێ.
ئاژانسه‌گه هه‌ميش وت: ئمڕوو ئيران روێ وه‌ڕوێ جه‌نگيگ ئابوورى و نه‌رم بويه‌سه‌و وه‌ل دوشمنه‌يل، وه‌لێ هيزه‌يل سوپا وه هيزه‌وه وه‌سيه‌ێد له‌وه‌رانوه‌ر دوشمنه‌يل له‌وه‌ر مقه‌يه‌تيكردن له وڵات و ئاماده‌س ئه‌را ئه‌و روێ وه‌ڕوێ بوينه‌وه.
جى باسه، يه‌يش له وه‌ختيگه ك ماڵپه‌ڕ "ديبكا"ى ئسرائيلى وت: شماره‌يگ له سه‌ركرده‌يل سه‌ربازى ئه‌مريكى و ئسرائيلى وه نهێنى دانيشتنيگ سازكردنه له واشنتۆن له 29 حزه‌يران گوزه‌يشت ئه‌را ئاماده‌كردن پلانيگ نهێنى و ئه‌و پلانيشه وه‌ناونيشان"پرووژه‌ى ئيران"بويه.