شه‌فه‌ق نيوز/ نزيكه‌ى 2500 كه‌س له‌وه‌رده‌م باڵه‌خانه‌ى كۆنگرس له ولايه‌ت واشنتۆن، گرده‌وبوين و ده‌سكردنه ئه‌نجامداين ناڕه‌زايه‌تى له‌بان فه‌رمانيگ جاى ئه‌نسلى حاكم ديموكراتى له‌باره‌ى مه‌ندنه‌وه‌يان له ماڵه‌يليان ئه‌را ريگرى له بڵاوبوينه‌وه‌ى ڤايرۆس كۆرۆنا، ك وه‌يه‌يش قه‌يه‌غه‌ى هاتوچوو شكانن.
هه‌رچه‌نى ريكخه‌ره‌يل ئه‌و گرده‌وبوينه بانگه‌واز وه‌كارهاوردن ده‌مامك ئه‌كه‌ن، وه‌لێ وه‌ل ئه‌وه‌يشا فره‌يگ له‌و كه‌سه‌يله ك گرده‌وبوينه ئه‌و كاره ناكه‌ن، يه‌يش له‌وه‌ختيگه پۆليس مه‌زه‌نه‌ى شماره‌يان وه 2500 كه‌س كرد، ك يه‌يش گه‌وراترين خوه‌ينيشانداينه له وڵاته‌يل يه‌كگرتگ له‌باره‌ى قه‌يه‌غه‌ى گشتى له ماوه‌ى ئى دويا هه‌فته.
له ئۆڵه‌مبيايش سه‌دان كه‌س تر هاوشيوه‌ى هه‌مان گرده‌وبوين ده‌سكردنه‌سه ده‌رخستن ناڕه‌زايه‌تى و چه‌واشه‌ى رينمايه‌يل ولايه‌ته‌گه‌و حكومه‌ت ناوه‌نده له ماوه‌ى قه‌يه‌غه‌ى هاتوچوو ئه‌را ريگرى له ڤايرۆس كۆرۆنا.