شه‌فه‌ق نيوز/ ئه‌ندامه‌يليگ له كۆنگرس ئه‌مريكى ده‌سكردنه مشاوه‌ره له‌باره‌ى ئه‌وه‌گ ريكخرياگ ئخوان بخريه‌ێده ليست ريكخرياگه‌يل تيرۆريستى له‌وه‌ر كاره‌يل تونڕه‌وى و هه‌ڕه‌شه‌كردن له به‌رژه‌وه‌نديه‌يل ئه‌مريكى له ده‌يشت.
ئى مشاوره‌ى كۆنگره‌سه له چوارچيوه‌ى هه‌وڵه‌يليگه ك له‌ساڵ 2015ه‌وه ده‌س وه‌پيكردگه له‌وه‌ر خاتر قه‌ناعه‌تكردن وه باراك ئۆباما سه‌رۆك وه‌رين ئه‌مريكى ئه‌را ئه‌وه‌گ ريكخرياگ ئخوان بخريه‌ێده ناو ليست گرووپه‌يل تيرۆريستى، وه‌لێ ئه‌و ده‌سپيشخه‌ريه جيوه‌جى نه‌وێ له سه‌رده‌م ئه‌و سه‌رۆكه.
جى باسه، وه‌ل ره‌سين دۆناڵد تره‌مپ ئه‌را سه‌رۆكايه‌تى، ئالشتكارى روێدا له سياسه‌ت وڵاته‌يل يه‌كگرتگ و ئداره‌ى تازه له ماڵ چه‌رمگ ده‌سكرده ته‌سنيفكردن چه‌ن ريكخرياگيگ په‌يوه‌س وه ئخوان له چوارچێوه‌ى گرووپه‌يل تيرۆريستى.