شه‌فه‌ق نيوز/ راوێژكار ماڵ چه‌رمگ ئه‌را كاروبار ئابوورى، هووكار مه‌سه‌له‌ى داوه‌زين نرخ ليره‌ى توركى برده‌و ئه‌را دويرگرتن ئه‌نقه‌ره له ديموكراسيه‌ت و جه‌خت له‌وه‌يش كرد ئه‌و مه‌سه‌له په‌يوه‌ندى وه سزايه‌يل ئه‌مريكى و زيايكردن باجه‌يل له‌بان بازرگانى توركى نه‌يرێد.
كيفن هاسيت راوێژكار ئابوورى وت: وه‌ختيگ ك وڵاته‌گه په‌يوه‌ندى وه‌ل ليبراليه‌ت ديموكراسى بڕێ دى ئه‌و وه‌خته نه‌زانست وه ته‌واوه‌تى چه روێ ئه‌ياد له‌باره‌ێ ئابووريه‌گه‌ى.
هاسيت وت: هه‌ناى ك پويل 40% له نرخى له‌ده‌سدا، ئه‌يه ماناى ئه‌وه‌سه ك به‌ش گه‌ورايگ له ئاماژه‌يل ئابوورى ئاسايى نيه‌و باس له‌وه‌يش كرد ك باجناين ئه‌مريكى له‌بان داهات توكرى ته‌نيا مادده‌ى پووڵا ئه‌گرێده‌وه‌و ئى كه‌رتيشه به‌شيگ بويچگه له ئابوورى توركى.
جى باسه، راوێژكار ئابوورى ئه‌مريكى هه‌ميش وت: ئدارى ئه‌مريكى وه گرنگه‌و چه‌ودێرى بارودوخ ليره‌ى توركى ئه‌كا.