شه‌فه‌ق نيوز/ وه‌رپرسه‌يل ئه‌مريكى باس له‌وه‌ كردن ك ئداره‌ى دوناڵد ترامپ سه‌رۆك ئه‌مريكى باس له‌ پيشنياريگ ئه‌كا شايه‌ت هه‌وڵ ئه‌وه‌ بدێ ك پاسه‌وان شووڕش ئيرانى جوور جه‌ماعه‌ت ترۆريستى هساو بكريه‌ێد.

له‌ى باوه‌ته‌و، وه‌رپرسه‌يل ئاماژه‌ وه‌يه‌يش كردن ك راى چه‌ن ئاژانسه‌يليگ ئه‌مريكى وه‌رگيرياگه‌ له‌باره‌ى ئيچنه‌ پيشنياريگ ك ئزافه‌ ئه‌كريه‌ێد ئه‌گه‌ر جيوه‌جى كريا ئه‌را له‌وه‌رگرتن ئه‌و ڕى وشوونه‌يله‌ ك وڵاته‌يل يه‌كگرتگ چه‌سپاسه‌ى له‌بان كه‌س و قه‌واره‌يل په‌يوه‌س وه‌ پاسه‌وان شووڕش ئيرانى. 

جى باسه‌، پاسه‌وان شووڕش وه‌هيزترين قه‌واره‌يگ ئيرانيه‌ وه‌گشتى و زاڵيشه‌ له‌بان به‌شه‌يل گه‌ورايگيش له‌ ئابوورى ئيران و نفوز بته‌ويگيش ديرێد له‌ سيستمه‌ سياسيه‌گه‌ى.