شه‌فه‌ق نيوز/ هيزه‌ر نوێرت قسه‌كه‌ر وه‌ناو وزاره‌ت خارجيه‌ى ئه‌مريكى، وت: لايه‌ن ئه‌مريكى گله‌و ئه‌خوه‌ێد ئه‌را دانيشتن وه‌ل ديمه‌شق له حاڵه‌تيگ ئه‌گه‌ر ئه‌راى ده‌ركه‌فت حكومه‌ت سورى ئاشكراى چه‌كه كيمياويه‌گه‌ى بكا ك ديرێده‌ى.
نوێرت له‌باسيگ ته‌له‌فزيۆنى ك شه‌فه‌ق نيوز ئاگادارى بوى، وت: ئه‌گه‌ر ئى مه‌رجه جيوه‌جى كريا، ئه‌وه لايه‌ن ئه‌مريكى گله‌و ئه‌خوه‌ێد ئه‌را دانيشتن له جنێف.
جى باسه، وڵاته‌يل يه‌كگرتگ و فره‌نسا و بريتانيا په‌لاماريگ مووشه‌كى ئه‌را بان چه‌ن بنگه‌و باره‌گايگ سه‌ربازى و مه‌ده‌نى له سوريا ئه‌نجام دان و جه‌خت له‌وه‌يش كريا ئه‌و شوونه‌يله گيرياسه ئامانج ك په‌يوه‌ندى وه به‌رنامه‌ى كيمياوى سوريه‌و ديرن، ئه‌ويش دوياى ئه‌وه‌گ هه‌فته‌ى گوزه‌يشت سوريا له‌لايه‌ن خوه‌رئاواوه تومه‌تبار كريا وه داشتن چه‌ك كيمياوى.