شه‌فه‌ق نيوز/ وڵاته‌يل يه‌كگرتگ ئه‌مريكا رينمايه‌يل تازه‌يگ دا كومپانيايه‌يل ته‌ياره‌وانى و داوا له‌ليان ئه‌كا وشدار بوو له‌وه‌خت باڵگرتن ته‌ياره‌يل له‌بان ئاسمان ئيرانى و ته‌نيا ئاسمان عراق وه‌خاستر زانست ك هه‌رچه‌نى وشدارى گه‌شتكردنيش دا ئه‌را عراق.
له‌ى باوه‌ته‌و، نويسينگه‌ى خزمه‌تگوزاريه‌يل ته‌ياره‌وانى ك زانيارى پيشكه‌ش ئه‌كا له‌بان سه‌ڵامه‌تى بوار ئاسمانى ئه‌را كومپانيايه‌يل ته‌ياره‌وانى، وت: په‌يوه‌نديه‌ه‌يل خراو ناونى وڵاته‌يل يه‌كگرتگ و ئيران بايه‌سه له‌وه‌رچه‌و بگيريه‌ێد له‌وه‌خت پلان ئه‌را گه‌شته‌يل ئاسمانى له‌رێ بوار ئاسمانى ئيرانى.
نويسينگه‌گه هه‌ميش وت: هه‌رچه‌نى بوار ئاسمانى عراقى له نۆفه‌مبه‌ر ساڵ گوزه‌يشت دوباره واز كرياو بژارده‌يل تر له‌لى كه‌فته‌و له ڕيڕه‌و گه‌شته‌يل، وه‌لێ وه‌ل ئه‌وه‌يشا ريڕه‌ويگ نموونه‌يى له ناوچه‌گه نيه‌و بايه‌سه له‌بان كومپانيايه‌يل ئاسمان عراقى وه خاستر بزانن و وشدار بوون له وه‌كارهاوردن ئاسمان ئيرانى.