شه‌فه‌ق نيوز/ ئه‌نجومه‌ن نوێنه‌ره‌يل ئه‌مريكى وه‌ جه‌م ئه‌ندامه‌يلى ده‌نگ له‌بان جيوه‌جيكردن پرووژه‌ى ياسايگ دان ك سزاى تازه‌ له‌بان حزبوڵڵاى لوبنانى چه‌سپان.

له‌و پرووژه‌ ياسا ئه‌وه‌ ده‌ركه‌فت ك ئامانج له‌لى داناين حه‌ديگه‌ ئه‌را توانايه‌يل حزبوڵڵا له‌بان گرده‌وكردن دارايى و وه‌سه‌ربازكردن مه‌ردم ئه‌را خزمه‌تكردن له‌ حزبه‌گه‌، بيجگه‌ زيايكردن فشار له‌بان ئه‌و بانكه‌يله‌ ك مامڵه‌ وه‌ليا ئه‌كه‌ن و له‌بان ئه‌و وڵاته‌يليشه‌ ك پشتگيرى له‌لى ئه‌كه‌ن و له‌وه‌رجه‌ گشتيانيش ئيران.

جى باسه‌، پرووژه‌گه‌ سزايش له‌بان ده‌سميه‌تده‌ره‌يل دارايى و كۆمه‌ڵه‌ى پشتگيرى مقاومه‌و به‌ش په‌يوه‌نديه‌يل خارجى حزبه‌گه‌و به‌ش ئه‌من خارجى و ته‌له‌فزيۆن مه‌نار و راديۆێ نور و كۆمه‌ڵه‌ى ميديايى لوبنانييش چه‌سپان.