شه‌فه‌ق نيوز/ رووژنامه‌ێ ئه‌ندبندنت باوه‌تيگ بڵاو كرد له‌ژير ناويشان "ئه‌مبارخانه‌ێ رووژ قيامه‌ت له نزيك جه‌مسه‌ر باكوور ئه‌را مقه‌يه‌تيكردن تويه‌م تويش لافاو هاتگه وه بوونه‌ى تاويانه‌وه‌ى وه‌فره‌يل".
رووژنامه‌گه باس له‌وه ئه‌كا ك ئه‌مبارخانه‌ێ سفالبارد ك له نه‌رويج دامه‌زرياگه له نزيك جه‌مسه‌ر باكوور، تويه‌م گرينگترين كشتوكاڵيه‌يل له‌تى ئه‌مبار ئه‌كريه‌ێد ئه‌را مقه‌يه‌تيكرن له حاڵه‌ت كه‌فتنه‌وه‌ى هه‌ر كاره‌سات گه‌ورايگ له‌ى جه‌هانه چ له ده‌سكرد ئاده‌ميزاد يا كاره‌سات سروشتى.
رووژنامه‌گه ئاشكراى يه‌يش كرد ك قاپيه‌يل ئه‌مبارخانه‌گه له ساڵ 2008 تائيسه به‌سياگه و پيشبينى ئه‌وه نه‌كرياگه واز بكريه‌ێد ئه‌را چه‌ن نه‌وه‌يگ، وه‌لێ دوياى كه‌متر له 10 ساڵ واز كريا وه بوونه‌ى ئه‌و لافاوه‌يله ك له ئاكام تاويانه‌وه‌ى وه‌فره‌يل له‌وه‌ر به‌رزه‌وبوين پله‌ێ گه‌رمى روێدانه‌و ريژه‌ى فريه‌يگ له ئاو چيه‌سه ناو ئه‌مبارخانه‌گه.
جى باسه، رووژنامه‌گه باس له‌وه‌يش كرد ك ئه‌و لافاوه زه‌ره‌د وه تويه‌مه‌يل كشتوكاڵى نه‌ڕه‌سانگه.