شه‌فه‌ق نیوز/ ئه‌لمانیا خوه‌ى ئاماده‌ه ئه‌كا ئه‌را ككله‌وكردن شماره‌یگ له‌و كه‌سه‌یله ك جاریگتر داواى ماف په‌نابه‌رى كردنه، ك هه‌رچه‌نى قه‌ره‌بالغى فریه‌یگ هه‌س له‌بان ناوه‌نده‌یل پیشوازیكردن و مه‌سه‌له‌ى گه‌ردینن له‌شوون داواكارى په‌نابه‌رى.
ئه‌لمانیا ماوه‌یگ له‌بان كلكردن داواكاره‌یل مه‌سه‌له‌ى په‌نابه‌رى ئه‌را یۆنان وسیا، ئه‌ویش له‌شوون حوكمیگ ك له‌لایه‌ن دادگا ده‌ستووریه‌گه‌یه‌و له 2011 ده‌ركریا، وه‌لى ئیسه‌یش هه‌ر ناتویه‌نید كلیان بكا له‌وه‌ر پابه‌ندى وه ریككه‌فتن دبلن تایبه‌ت وه یه‌كیتى ئۆرپى.
جى باسه، وه‌ل ئه‌وه‌یشا تلفزیۆن فه‌رمى ئه‌لمانى له زووان وزاره‌ت ناوخوه‌یى ئه‌و وڵاته باس له‌وه كرد ك ئه‌لمانیا داوا له یۆنان كردگه له كووتایى مانگ ته‌ممووز 392 كووچكه‌ر بگریده خوه‌ى و ئیوانس موزالیس وه‌زیر كووچ یۆنانیش ئه‌وه ده‌رخست ك وڵاته‌گه‌ى رازى بویه له بان وه‌رگرتن شماره‌یگ تر له‌وانه‌گ داواى ماف په‌نابه‌رى كردنه له‌وه‌ر نیه‌تپاكى و له‌وه‌ر ئه‌وه‌گ تویش بریگ فشار یه‌كیتى ئۆرپا.