شه‌فه‌ق نيوز/ له جواودانه‌وه‌ى بريار تايبه‌ت په‌رله‌مان ئۆرپى ئه‌را وساننه‌وه‌ى كرده‌وه‌يل چڵه‌زه‌يتون له باكوور سوريا، ره‌جه‌ب ته‌يب ئه‌ردوغان سه‌رۆك توركى ئه‌وه ده‌رخست ك وڵاته‌گه‌ى گووش وه‌ى بڕياره نايه‌ێد.
لێدوانه‌يل ئه‌ردوغن له وه‌خت به‌شداريكردنى بوى له كۆنگره‌ى ئاسايى شه‌شه‌م حزبه‌گه‌ێ له ولايه‌ت ئه‌رزڕوم له خوه‌رهه‌ڵات وڵاته‌گه ك وت: هه‌ر بڕيار‌يگ ئه‌خوازين ده‌ربكه‌ن، ئيمه گووش وه‌پى نايه‌يم و ئه‌و بڕياره‌يله ك له‌لايه‌ن ئيوه‌وه ده‌رچيه هويچ قيمه‌تيگ نه‌يرێد، ئيوه چ وه‌ختيگ سڵا وه‌پيدان درياگه رينمايى بيه‌ينه ملله‌ت؟ رينمايى وه خوه‌دان بيه‌ن.
جى باسه، سه‌رۆك توركى هه‌ميش وت: ئيمه پيشوازى له نزيكه‌ى چوار مليۆن په‌ابه‌ر سورى و عراقى كرديمنه وه بوونه‌ى كاه‌يل تون وتيژى له وڵاته‌يليان و ئيسه‌يش ئه‌چيمنه ناو عه‌فرين و ناوچه‌يل تر ئه‌را پاكه‌وكردن ناوچه‌يل ئه‌و په‌نابه‌ره‌يله له تيرۆر تا گله‌وبخوه‌ن ئه‌را شوونه‌يل خوه‌يان.