شه‌فه‌ق نيوز/ سه‌رچه‌وه‌يل سه‌ربازى ئسرائيلى، هه‌ڕه‌شه له به‌شار ئه‌سه‌د سه‌رۆك سوورى و رژيمه‌گه‌ى كردن وه ئه‌وه‌گ له خه‌ريته‌ى جه‌هان لاوريه‌ن له حاڵه‌تيگ ئه‌گه‌ر ئيران له سورياوه په‌لامار ده‌وڵه‌ت عبرێ بيه‌ێد.
سه‌رچه‌وه‌يل سه‌ربازى وه گووره‌ى هووكاره‌يل ره‌سانن ئسرائيلى وت: ئه‌سه‌د و رژيمه‌گه‌ى بايه‌سه باج هه‌ر په‌لاماريگ توڵه‌كردنه‌وه‌ى ئيرانى له ئسرائيل بيه‌ن.
جى باسه، سه‌رچه‌وه‌يل سه‌ربازى ئسرائيلى يه‌يش ده‌رخستن ك ده‌مه‌و شه‌وه‌كى ئمڕوو به‌شار ئه‌سه‌د وه ياوه‌رى كاروانيگ سه‌ربازى روسى له‌ترس بوردمان ئه‌مريكى له ماڵه سه‌رۆكايه‌تيه‌گه‌ى ده‌رچيه.