شه‌فه‌ق نيوز/ ئه‌نتۆنيۆ گۆتيريش ئه‌ميندار گشتى نه‌ته‌وه‌يل يه‌كگرتگ، وت: بايه‌سه كۆمه‌ڵگاى ناوده‌وڵه‌تى مه‌ژگيگ ئاسنين داشتوود ئه‌را ئه‌وه‌گ نه‌يلێد كه‌فتنه‌وه‌ى جه‌نگ له كه‌نداو كاريگه‌رێ خراو دروس بكا.
گوتيريش له ديمانه‌يگ وه‌ل فه‌ريد زه‌كه‌ريا ئه‌را CNN، وت: ئيمه فريه نيگه‌رانيم و دويه‌كه‌يش دو شاره‌زا ره‌وانه كردمه ئه‌را ئاگاداربوين له له رويداگه‌گه‌ى به‌قيق و خرێس ئه‌را ئه‌وه‌گ ئه‌و رويداگه له‌يه‌كه‌و بيه‌ن تا بزانيم له حاڵ حازر چه بكه‌يم, چوينكه من باوه‌ڕم ئه‌وه‌سه ئى گرژيه فريه مه‌ترسيداره‌و ئدانه‌ى ئه‌كه‌م و هه‌وه‌جه وه مه‌ژگيگ ئاسنين له كۆمه‌ڵگاى ناوده‌وڵه‌تى ديرێد تا نه‌يلێد جه‌نگ له كه‌نداو روێ بيه‌ێد.
جى باسه له‌باره‌ى كه‌فتنه‌وه‌ى جه‌نگيش له‌ناونى سعوديه‌و ئيران، گوتيريش وت: وه باوه‌ڕم جه‌نگ دويره، وه‌لێ بايه‌سه كيشمه‌كيش دويره‌و بخريه‌ێد له كه‌نداو چوينكه ئاكامه‌گه‌ى كاره‌سات ئه‌دێ له‌بان ناوچه‌گه‌و جه‌هانيش.