شه‌فه‌ق نيوز/ ليفون ئاروتيونيان له "غازيتا رو"ى رووسى باوه‌تيگ شيكارێ له‌ژير ناونيشان " واشنتۆن چوين زاڵ ئه‌دێده بان ئيران" نويساو له‌بان ناتۆێ عه‌ره‌بى ك واشنۆن دايمه‌زرانگه دژ ئيران و ئه‌و پرسياريشه له‌بان راسيه‌يل جه‌نگ ناونى سعوديه‌و كۆمار ئسلامى ئيرانه.
له باوه‌ته‌گه هاتگه: له 22 فبرايه‌ر، گفتوگوويگ له واشنتۆن له‌باره‌ى دامه‌زرانن هاوپه‌يمانى ستراتيجى خوه‌رهه‌ڵات ناوين(MESA)ئه‌نجام دريا ك هيمان دانه‌مه‌زرياوێد ك ناسريا وه‌ناو ناتۆ عه‌ره‌بى و بايه‌سه له‌تى ئوردن و مسر و به‌حره‌ين و قه‌ته‌ر و كوه‌يت و ئيمارات و عومان و سعوديه يه‌كه‌و بگرن.
له لايگه‌و ئى هاوپه‌يمانيه قانجازيگه ئه‌را ته‌لئه‌بيب دژ ئيران و ئى ناتۆ عه‌ره‌بييشه ئه‌گه‌ره‌يل ئه‌وه ديريد جواودانه‌وه‌يگ بدێ ئه‌را بڵاوكردنه‌وه‌ى ئسلام رايدكاڵى و تيرۆر، ك يه‌يش وه قانجاز ئسرائيل ئه‌شكيه‌ێده‌و.
جى باسه، ئه‌ليسكى مالاشينكۆ شاره‌زاى ناوه‌ند كارنيغى له مۆسكۆ ئه‌را "غازيتا رو" وت: ته‌نانه‌ت ئه‌گه‌ر ئى هاوپه‌يمانييشه دامه‌زريا، ئايا كاريگه‌رييه چه‌نيگه؟ دامه‌زرانن هاوپه‌يمانى سه‌ربازێ، بايه‌سه دوشمن راسكانى بدێ، ئمجا ئايا جه‌نگ وارده له‌ناونى ئيران و سعوديه؟ وه ڕاى من نه‌خێر. هه‌ر له‌وه‌ر ئه‌وه‌يش ئيچنه هاوپه‌يمانييگ موور دعايه ها پييه‌و.