شه‌فه‌ق نيوز/ سه‌عدى غوفن سه‌رۆك ليژنه‌ى باڵاى هه‌ڵوژاردنه‌يل له‌ توركيا ئاشكراى ئاكامه‌يل فه‌رمى كووتايى راپرسى وڵاته‌گه‌ى كرد له‌بان راسه‌وكردن ده‌ستوور.

غوفن له‌ كۆنگره‌يگ رووژنامه‌گه‌رى وت: 25 مليۆن و 157 هه‌زار و 463 ده‌نگده‌ر وه‌ "به‌ڵێ" ده‌نگدانه‌ له‌ راپرسيه‌ و 23 مليۆن و 779 هه‌زار و 141 ده‌نگده‌ريش وه‌ "نا" ده‌نگدانه‌.

جى باسه‌، راسه‌وكردن ده‌ستوور له‌ توركيا ئامانج له‌لى جيوازبوينه‌ له‌ سيستم په‌رله‌مانى ئه‌را سيستم سه‌رۆكايه‌تى و زيايكردن شماره‌ى ئه‌ندامه‌يله‌ له‌ 550 ئه‌ندام ئه‌را 600 ئه‌ندام وه‌ل كه‌مه‌وكردن ته‌مه‌ن كانديد له‌ 25 ئه‌را 18.