شه‌فه‌ق نيوز/ هيزه‌يل ئاسايش ناوخوه‌يى، 283 تيرۆريست ريگخرياگ داعش ئازاد كردن له‌وانه‌گ له زيندانه‌يلێ بوينه له باكوور و باكوور خوه‌رهه‌ڵات سورياو له‌ناونيانيش بڕيگ سه‌ركرده‌و ميره‌يل ئه‌و ريكخرياگ تيرۆريستيه.
له‌ى باوه‌ته‌و، رامى عه‌بدولڕه‌حمان وه‌ڕيه‌وبه‌ر چه‌ودێرى سوورى ئه‌را مافه‌يل ئاده‌ميزاد له په‌يوه‌ندييگ ته‌له‌فۆنى وه‌ل "عه‌ره‌بيه نێت" ئاشكراى ئه‌وه كرد ك هيزه‌يل ئاسايش ناوخوه‌يى ده‌يان تيرۆريست له چه‌كداره‌يل ريكخرياگ داعش ئازاد كردگه له شاروچكه‌ى عه‌ين عيسا له ريف رقه‌ى باكوور.
وه گووره‌ى چه‌وديره‌گه ئى كاريشه له‌رێ عه‌شاير عه‌ره‌ب ناوچه‌گه بويه‌و يه‌يش بويه‌سه جى نگه‌رانى و تويڕه‌يى بڕێگ له هيزه‌يل عه‌ره‌ب و كورد له‌و ناوچه‌يله.