شه‌فه‌ق نيوز/ نزيكه‌ى 28 هه‌زار سوورى و له‌ناونيان نزيكه‌ى 3400 په‌نابه‌ر ك له‌لاى نه‌ته‌وه‌يل يه‌كگرتگ تۆمار كريانه‌ گله‌وخواردن ئه‌را وڵات خوه‌يان له‌ڕێ ده‌روازه‌ێ جابر نسه‌يب له‌ ديم سوورياوه‌ له‌وه‌ختيگه‌و واز كريا له‌ناونى سورياو ئوردن له‌ ناوڕاس ئوكتۆبه‌ر گوزه‌يشت.

له‌ى باوه‌ته‌و، سه‌رچه‌وه‌يل ئه‌منى ئوردنى باس له‌وه‌ كردن ك نزيكه‌ى 28 هه‌زار سوورى وه‌ مه‌يل خوه‌يان ئوردن وه‌جى هيشتنه‌و چينه‌سه‌و ئه‌را وڵات خوه‌يان له‌ سوريا.

جى باسه‌، سه‌رچه‌وه‌ ئه‌منيه‌گه‌ يه‌يش ده‌رخست ك 3400 كه‌س له‌وانه‌گ گله‌و خواردنه‌ جوور په‌نابه‌ر ناويان تۆمار كرياوێد له‌لاى كۆمسيۆن باڵاى كاروبار په‌نابه‌ره‌يل سه‌ر وه‌ نه‌ته‌وه‌يل يه‌كگرتگ.