شه‌فه‌ق نيوز/ نزيكه‌ى 11 مليۆن كووچكه‌ر له وڵاته‌يل يه‌كگرتگ كه‌فتنه‌سه وه‌ر هه‌ڕه‌شه‌ى ده‌ركردن، ئه‌ويش دوياى ده‌رچگن ياداشتيگ فه‌رمى ك له‌تى داواى ده‌ركردن گشت ئه‌و كووچكه‌ره‌يله ئه‌كريه‌ێد ك له‌وه‌خت مه‌شقكردن كاره‌يليان له ده‌يشت وڵات دوينريه‌نه‌و.
وزاره‌ت ئاسايش ناوخوه‌يى ئه‌مريكى دو ياداشت له‌باره‌ى ئه‌و كه‌سه‌يله بڵاو كرد ك وه شيوه‌يگ ناياسايى نيشتنه و له هه‌مان وه‌خت ئاماژه‌يش وه ده‌ركردنيان كردگه ك شايه‌ت گشت كووچكه‌ره‌يل ناياسايى بگريه‌ێده‌و ك شماره‌يان نزيكه‌ى 11 مليۆن كه‌سه.
وه گووره‌ى فرانس پرێس، له‌و هه‌ر‌دوگ ياداشته يه‌يش ده‌ركه‌فت ك جون كيلى وه‌زير ئاسايش ناوخوه‌يى فه‌رمانيگ ئه‌را كارمه‌نده‌يل گومرگ و كووچ ده‌ركردگه گشت كووچكه‌ره‌يل ناياسايى ده‌ربكه‌ن له‌وه‌خت دوينسته‌وه‌يان له‌وه‌خت ئه‌نجامداين ئه‌ركه‌يليان.