شه‌فه‌ق نيوز/ ئاژانس "سانا" له زووان سه‌رچه‌وه‌يگ ئه‌هلى، ئاشكراى كوشيان 11 كه‌س مه‌ده‌نى كرد له‌ئاكام بوردمان هاوپه‌يمان ناوده‌وڵه‌تى دژ داعش ك ئاوايى شه‌عفه گرته ئامانج له چوارچێوه‌ى دويا بنگه‌يل ئه‌و ريكخرياگ تيرۆريستيه له كنار خوه‌رهه‌ڵات فورات له سوريا.
ئه‌و سه‌رچه‌وه‌يله باس له‌وه كردن ك ته‌ياره‌يل هاوپه‌يمان ناوده‌وڵه‌تى په‌لاماره‌يل سه‌ختيگ ئه‌را بان ئاوايى شه‌عفه له ريف دێره‌زۆر له باشوور خوه‌رهه‌ڵات سوريا ئه‌نجام دانه‌و بويه‌سه هووكار كوشيان 11 كه‌س مه‌ده‌نى و زه‌خمداربوين ده‌يان كه‌س تر بيجگه ويرانكردت ماڵه‌يل فريه‌يگ.
جى باسه، ئه‌و سه‌رچه‌وه‌يله باس له‌وه‌يش كردن له‌ناونى ئه‌و كوشياگه‌يله 3 ژن و 5 مناڵ وجوود داشتنه و يه‌يش ده‌رخست ك به‌رزه‌وبوين شماره‌ى گوشياگه‌يل وه بوونه‌ى په‌لاماره‌يل وه‌رده‌وامه‌و روێ له به‌رزه‌وبوين ئه‌كا.