ئه‌ى كه‌سه سوپاى ماد له نوو رێ خس و مۆدێڕنيزه‌ى كردو ئمجا داو داڵده‌ى نه‌بۆپه‌لسه‌ر پادشاى بابل. ئه‌ى يه‌كه‌وگرتنه وه مه‌مه‌ر شوى كردن ئاميتيس دويه‌ت هووه‌خشتره وه‌ل نه‌بۆكه‌دنه‌سه‌ر دويم كوڕ نه‌بۆپه‌لسه‌ر ك باخه‌يل ئه‌ڵوه‌سيايى بابل چوى پێشكه‌شى ئه‌را ئه‌ى هاوسه‌ر مادى خوه‌يه دروس كرد تا مه‌يه‌تێ بدا له دڵته‌نگى يه‌گ له كويه‌سان و جى په‌يا بوينێ دويره له هوير پاكه‌و بكا، ره‌سيمه‌و بوى.
ئه‌ى هاوپه‌يمانه‌يله ئمپراتوورى ئاشوور له ناو بردن و نه‌ينه‌وا له ساڵ612 وه‌رجله زايين خراوخاپير كردنه يه‌كا. ئه‌مجا دوياى ئه‌ى سه‌ركه‌فتنه، ماده‌يل له باكوور دوچه‌مانه، ئه‌رمه‌نستان و به‌شه‌يلێ له ئاسياى بويچگ له خوه‌رهه‌ڵات چه‌م قزل ئيرماق داگير كردن. جه‌نگ هاليس وه خه‌وه‌ر گريانێ له 28 مانگه مه‌ى ساڵ585 وه‌رجله زايين ته‌مام بوى.
هووه‌خشتره 10 ساڵ دوياى ئه‌ى جه‌نگه مردو كوڕه‌ى ئه‌يشتوويگۆ ك باپير داڵگى كورش گه‌ورا بوى، نيشته‌و جى باوگ./ش