هووز سنجاوى وه‌رجه زايين له‌وه‌ر په‌لامار و روى وه‌ڕوى بوينه‌وه‌ى ده‌سڵاته‌يل سه‌ند و له‌ند وه فه‌رمان ئمپراتۆر ميدى وه‌ل چه‌ن هووزيگ تر له هووزه‌يل كوردستان كلكريانه ئه‌را به‌شداريكردن له جه‌نگ.
ئه‌تويه‌نيم بويشيم هووز سنجاويه‌يل دابه‌ش بوون له‌بان چه‌ن تيره‌يگ، ك ئيسه بڕيگ له‌ليان خوه‌يان وه سنجاوى نازانن و به‌ش فريه‌يگيش له‌ليان سه‌ر وه ئايين يارسانن و به‌شيگيانيش شيعه‌ن و به‌شيگيش ديرن سنى مه‌زه‌و.
ئمجا تيره‌يل سه‌ره‌كى هووز سنجاوى پيكهاتنه له: چاڵاوى و هه‌واسه‌وه‌ن و خورده ده‌سه‌و به‌رازى و ...هتد.
وه‌ل ئه‌وه‌يشا له‌چه‌ن تيره‌ى بويچگيگيش پيكهاتنه جوور:
"سه‌رخکی ، داليان ، باقى ، هيروه‌ند ، سۆفی ، پێوه‌چه‌شنیان ، مرادخانى ، تكه‌وه‌ند ، مه‌جه‌ريلان ، سه‌رخاوه‌ند ، سيمينوند ، خه‌سرۆ ، دارخۆر ، گوڵ گوڵ ، شێرخان ، دۆڵتمه‌ند ... هتد".
شوون نيشته‌جيبوين ئى هووزه هه‌ر له سه‌رده‌مه‌يل كويه‌نه‌و له باكوور و خوه‌رهه‌ڵات كرماشان تا قه‌سر شيرين و له كوردستان باشووريش له‌بان چه‌م سیروان نزيك جه‌له‌ولا بويه.
بيجگه ئه‌وه‌يش،به‌شيگيانيش له ناوچه‌يل لوڕسان و ده‌يشت هه‌ولێر و قه‌راج و كه‌ندێناوه‌يش نيشته‌جى بوينه و له ئاكام جه‌نگ و كيشمه‌كيش ناونى هووزه‌يل و ملله‌ته‌يل به‌شيگ كه‌م له سنجاويه‌يل كه‌فتنه‌سه ناوچه‌يل به‌لوجستان و دى له‌ورا نيشته‌جى بوينه.
هێمن قاسم سنجاوی