لە راپۆرتیگ وەلایەن ئاژانس مهر ئیرانی کە ئاژانس شەفەق نیوز ئەڵگەردانی کرد هاتیە کە فەرزاد شەریفی وەڕیەوبەر گشتی کەلەپوور کولتووری و گەشتوگوزاری و کارەیل دەسڕەنگینی لە پارێزگای ئیلام دووپات کرد کە لە چین کەلەپوور کولتووری ریکارەیل گونجیاگ جیوەجی کریا، لەلیان کارەیل چاڵکەنین و رزگارکردن لە تەپەی کنارگزەر لە شار ئیوان لە پارێزگاگە، و مار چاڵکەنین ئاسەواری لە ناوچەی چغاگلان لە شار مهران، و ریکارەیل دیاریکردن ناوچەگە و سنوور شار دەرەشەهر جیوەجی کریا، و مەزەنە کریەێد دەسمیەتی ئەرا بیمە ئەرا دیاریکردن ناوچەگە و سنووری وەدەس بکەفێد.
شەریفی وتیش: هەمیش کارەیلیگ جیوەجی کریا ئەرا دووارە بیناکردن و خاسەوکردن قەڵای والی کهرە هلیلان لە لایەنە بوەخشەیل، و لێکۆڵینەوە لە سیمایل میژووی شارەگە و دیاریکردنی، و ئامادەکردن ئەتڵەس گشتگیر ئەرا شار دهلەران، و خاسەوکردن قەڵای والی، و بردن دوو سیمای میژووی لە کنجانچەم و میرغولام هاشمی ئەرا کەرد گشتی، و توومارکردن ٩٠٦ ئاسەواری میژووی، لەناویان ٣٨ ئاسەواری میژووی لە دوو ساڵ گوزەشتە وە نیشتمانی توومار کریا، و هەمیش بەشداریکردن لە پیشانگای کارەیل دەسڕەنگینی لە دەیشت عراق، و وەدەسهاوردن مهر رەسەنی نیشتمانی ئەرا ٢٣ بەرهەم کارەبا دەسڕەنگینی ولە ساڵەیل گوزەشتە، و خوەشبەختانە ٢٣ بەرهەم لە پارێزگاگە بوینە خاوەن موهر نیشتمانی رەسەنی وەماوەی یەک سلڵ، کە بڕ ٤٦ بەرهەم موهر نیشتمانی رەسەنی وەپییان دریاس، و دەرخەێد کە پارێزگای ئیلام ناوچەیگ گەشتوگوزاریە.