شه‌فه‌ق نيوز/ هه‌ر له سه‌ره‌تاى هاتنيه‌وه له‌سه‌ره‌رێ هه‌ر ڕيواريگ به‌ياننامه‌يگ هه‌ڵواسى كه هه‌ر كه‌سيگ وه‌ل يه‌كيگ تر مشتومڕ و شكايه‌تيگ ديرێد وه‌بى ترس و بيئه‌وه‌گ گوش وه كه‌س بيه‌ێد با باێد ئه‌را(دار الحكومه)و باسى بكا.
مه‌ردم له‌گشت لايگ وڵاته‌وه ده‌سه ده‌سه هاتن و كه‌فتنه سكاڵاكردن و داواى هه‌قه‌يل خوه‌يان كرديان. حوسام ئه‌لمه‌لك خوه‌يشى سه‌رپه‌رشى وه‌دقه‌ت كاروباره‌يل كردياد، به‌نده‌ى مێژوونويس له‌سه‌رده‌م حكومه‌ت ئه‌و گشت وه‌ختى ئاماده‌و شايه‌ت بويم. هويچ وه‌ختيگ حزوور ئه‌و له دانيشتن خاوه‌ن شكاته‌يل و كيشه وه به‌تاڵ نه‌يمه. بى راده سه‌رم سوڕمه‌ند ك گشت خاوه‌ن ئه‌و كيشه‌و گرفته‌يله تائيسه له كوورا بوينه. دوياى هه‌فت يا هه‌يشت رووژ بڕيگ پويل له ميرزا يوسف مشير ديوان وه‌رگرت و دڵنگ وه‌زاره‌ت له‌وه‌ركرد.
دوياى دو رووژ دوباره له‌بان ده‌رانه‌ى هه‌ر ماڵ و مزگفتيگ به‌ياننامه هه‌ڵواسريا كه هويچ كه‌سيگ ئه‌راى نيه ده‌س بخاده كاروبار وڵاته‌وه، هه‌ركه‌سيگ هه‌ر داواو مه‌سه‌له‌يگ داشتوود بايه‌سه باێد و بويشێده خود حاكم.
له‌ى به‌ياننامه‌ى دويه‌مه ئه‌وه‌گ نه‌زانريا دى گشت خه‌ڵك وڵات پله‌و مه‌رز كاره‌يل خوه‌يان زانستيان، له‌ى به‌ينيشه ده‌س چه‌ن دزيگ بڕێ و فه‌رمانبه‌ريش كلكرد ئه‌را سه‌قز و بانه ئه‌را ئه‌وه‌گ حاكم ئه‌و هه‌ردوگ شوونه بان ئه‌را شار. ماوه‌ى دو مانگ وه ئاره‌زوو خوه‌ى له كوردستان فه‌رمانڕه‌وايى كردياد. دوياى ئه‌وه‌يش وه فه‌رمان هۆمايۆنى گشت ئه‌و ولايه‌ته‌يله ك له‌ژير ده‌سڵات سوڵتان بوين و له‌هه‌ر لايگ له‌لايه‌ن ئه‌وه‌و فه‌رمانڕه‌وايگ دانرياوێد لاوريا.
حوسام ئه‌لمه‌لكيش له حكومه‌ت كوردستان جياوه بوێ و گله‌وخوارد ئه‌را حكومه‌ت كرماشان، ك ماوه‌ى مه‌ندنه‌وه‌ێ له كوردستان 2 مانگ و 10 رووژ بوێ.
حوسام ئه‌لمه‌لك پياويگ گه‌وراو دادگه‌ر بوێ، خوه‌ى سه‌رپه‌رشى گشت كاره‌يل كردياد، وه‌ختيگيش ك حوسام ئه‌لمه‌لك له حكومه‌ت كوردستان لابريا، وه‌گووره‌ى فه‌رمان ميرزا ئبراهيم خان نورى(نزام ئه‌لده‌وله ئه‌مير تومان)كريا فه‌رمانڕه‌واى كوردستان.
عه‌لى نه‌قى ئه‌لحسه‌ينى