شار سلێمانی وەبان دەس ئیبراهیم پاشای بابان لە ساڵ 1784 دامەزریا، کە ناو سلێمان پاشای باوگی نادە قەیەو، و لە ساڵ 1784 تا 1850 پایتەخت ئیمارەت بابان میژوو بوی.
سلێمانی ناوچە و گەڕەکەیل کوینە و ئاسەواری دیرێد، لەناویان گەڕەک سابونكەران کە لە کویەنترین گەڕکەیلیە، و چیرووکەیل رەنگین دیرێد.
مام ساجی دارتاس ساحێبقران، یەکیگە لە دەمچەرمگەیل سلێمانی، لە قسەیلی ئەرا پەیامنێر ئاژانس شەفەق نیوز ئویشێد: گەڕەک سابونكەران یەکیگە لە کویەنترین گەڕەکەیل شارەکە دویای گەڕەک ئیبراهیم پاشا، و ئی ناوە ئەرای نریاس چوینکە کارخانەیل سابون لەناوی بویە.
مام ساحی وتیش: ئەو سەردەمە نزیکەی ٥٠٠ بنەماڵەی ناودیار لە شوینە بوی، لە دادوەر و شاعیر و نویسەر و سەرشتەدار و ماموستا و سیاسەتمەدار و سەرکردەیل ئاسایش.
وتیش: ئاسەواری میژووی و کەلتووری و ئەدەبی شارەگە هیمان مەنیە، وەلێ ئیرنگە کەفتیەسە رخ رمیان و فەوتیان چوینکە بینایل فرەیگ کریانەسە گەراج ماشین و کارخانەیل بویچگ و دوکان، کە دی لە ماڵە کوینەیل تەنیا نزیکەی ١٠٠ ماڵ مەنیەسەو.
مام ساحی دیاری کەێد کە سابونكەران یادەوەری کوینەیگ دیرێد، لەناویان حەمام موفتی کە ڕاو لە کویەیل گۆیژە ئەرا هاتیاد، و کوتابەیل مەڵا نەجم کە وە کەشتی رزگاری ناسیا، چوینکە گەنجەیل فرەیگ لە بیسەوادی قورتار کرد، و هەمیش ناوچەگە چەوەیل ئاو لەناوی بوی، کە وەپیان وتیان چەوەیل وەستا شەریف.
وتیش؛ سابون لە روین ئەو سوخان و کووشتە دروس کردیان، کە لە دروسکردن کوفتەی گەپ مەنیادەو، وتیش: حەوزیگ نزیک بوی ئەرا ئاو وەکاری هاوردیان.
دیاری کەێد کە جادەی سەرەکی سابونكەران وە سان چنیاوێد، کە ئەو سەردەمەیلە ماشین هەکاتی ئیسە نەوی، و مەردم وە کووڵ ئاژەڵ لە کویە هاتیان ئەرا بازرگانی، وتیش: باراسیاویگ لە خوار جادەگە هەس، وە کارەبا کار کردیاد، و کارەبایش لە تەکان ئاوەگە بەرهەم بویاد، و دەر دوکانەیل گشتی وە چوو بوی، و بازاڕەگە وە یان دەسکردن بانی گردوێد.
وتیش: کەرەگەگە کلیسای سلێمانی مەریەم عەدرا لەناوی بوی، و ریشگ مەسیحییەت لە سلێمانی چوودەو ئەرا ساڵ 281 لە کویچەی تاوران لە سابونكەران، کە لە ماڵیگ کوینە دەسوەپی کرد تا بویە کلیسا.
وەگەرد زیایبوین شمارەی مەسیحییەیل، لە ساڵ عام 268 یەکەمین کلیسای فەرمی لە ناوچەگە بینا کریا، وەناو کلیسای مەریەم عەدرا، شەماس یەڵدا پیاییگ خەڵک سەنندەج ئیران بوی کە بینای کرد، کە کلیساگە سەروە سەنندەجی ئیرانی بوی لەو سەردەمە.