هه‌ر له هه‌مان ساڵ وه فه‌رمان شا سلێمان، ئه‌وه بوى خان ئه‌حمه‌د خان كوڕه گه‌وراى كريا جينشينى، ئى خانه ئه‌حمه‌د خانه هه‌ناى ك چيه بان ته‌خت ئه‌ياڵه‌ت ئه‌وپه‌ڕى به‌زه‌يى و ميهره‌بانى وه‌ره‌وانوه‌ر دووس و دوشمن و دوير و نزيك نيشاندا، له به‌خشنده‌يى و سه‌خاوت حاته‌م ته‌ى دويه‌م و خاقان دويه‌م بوى.
خان ئه‌حمه‌د خان له‌ماوه‌ى كه‌ميگ گه‌نجنه‌گه‌ى باوگى ك پڕ بوى له ته‌ڵاو جه‌واهير داره‌ى مه‌ردم، ئه‌وه‌نه ته‌ڵا دا مه‌ردم له‌ناو مه‌ردم وه خان ته‌ڵايى ناوبانگ ده‌ركرد و زوورم وه‌خته‌يل خوه‌ى ئه‌را خوه‌شى و شادى بردياده سه‌ر، تا ره‌سيه ئه‌وه‌گ خوه‌ى له گشت جووره رابواردنيگ بيبه‌ش نه‌كرد و خه‌سره‌وخان مامه‌ى له بريگ له ره‌فتاره‌يلى رازى نه‌وى.
دى وه گووره‌ى رووژگار قه‌ده‌ر له‌يوا كرد خه‌سره‌وخان مامه‌ى ئاگادارى كرد ك شا سلێمان حكومه‌ت كوردستان له جياى ئه‌و وه‌پى سپاردگه، ئمجا وه‌و جووريشه خه‌سره‌وخان كاريگ له‌يوا كرد خان ئه‌حمه‌د خان له‌بان كار و فه‌رمانڕه‌وايى كوردستان لاورد.
عه‌لى نه‌قى ئه‌لحوسه‌ينى