شەفەق نیوز/ فەرمانگەی ئاسەواری لە دهۆک، ئمڕوو سێشەممە، دەسکردن وە کارەیل خاسەوکردن ناوچەی ئاسەواری جروانە، لە قەزای شێخان خوەرهەڵات پارێزگاگە راگەیان.
بێکەس بیرفکانیا وەڕیەوبەر فەرمانگەگە ئەرا ئاژانس شەفەق نیوز وت: ئامانج لە پڕۆژەگە، بیوەیی شوینەگەس و خاسەوکردن شیوەیە، دیاری کرد کە ئیرنگە ٢٥ کەس لە شوینەگە کار کەن کەسەیلیگ ئاسەوار و خاوەن توانا لەچین ئاسەواری هاناویان.
بیرفکانی وتیش: ناوچەی جروانە وە یەکیگ لە گرنگترین ناوچەیل ئاسەواری لە پارێزگای دهۆک دریەێدە قەڵەم، کە بیناکردنی چوودەو ئەرا وەرجە ٢٧٠٠ ساڵ وەلایەن شا سنحاریب ئاشووری، وتیش: شوینەگە جوویگ ئاو بوی لەو سەردەمە کە ئاو ئەرا نەینەوا بردیاد.
جی باسە کە پڕۆژەی پاکەوکردن و خاسەوکردن ناوچەی ئاسەواری جروانە وە هەماهەنگی ناوەین فەرمانگەی ئاسەواری دهۆک و ریخریاگ یونیسکۆ و ریخریاگ کار ناودەوڵەتی وەڕیەو چوود، وە سپۆنسەرکردن یەکێتیی ئەوروپا.
مەزەنە کریەێد ئی تەقەلایل هاوبەشە دەسمیەتی لە مقیتیکردن ئی شوین میژووی گرنگە کەێد ئەرا نەوەیل هاتگ.