شەفەق نیوز/ زانایل ئاسەواری بڕیگ لە روژنامەنۊسیایل میسری کۆنە پەیا کردن، ک رەفتار رووژانەی ئەو سەردەمەیلە نشان دەن.
وەگورەی سایت "ساينس ئەڵێرت" ئی روژنامەنۊسیایل میسری کۆنە لە سەرەتای سەدەی بیس پەیا کریانە، ک پارچەی کۊز بۊنە، و لەبانیان وێنە کیشیاگە، وەپیان ئۊشن "ئۆستراكا".
مەزەنە هەس ک ئی پارچەیلە لەناو مەکتەویگ کۆنە پەیا کریانە، و خوەنەوارەیلیگ لە هوکارەبۊن شیوەکاری و نۊسین کردنەسەی.
زانای میسریەیلە کریستیان لیتز لە زانکۆی تۆبینگن لە ئەڵمانیا وت: لیستەیلیگ وە مانگەیلە و شمارەیل و ژمارەکردن و ریسگایل هۊرکاری پەیا کردیمن.
گشت ئەو پارچەیلە وە زوان دیمۆتیقی نۊسیاگە ک لە سەردەم بەتلیمۆس دوانزەهەم بۊە، ک ئیسە وە باوگ کلیۆباترا ناسریاگە، و دەسەڵاتداری لە ٨١ تا ٥٩ وەرجە زایینی و یەکجار تر لە ٥٥ تا ٥١ وەرجە زایینی داشتگە.
لەی ماوە، شار ئەسربیس پایتەخت وڵاتیگ میسری لەبان چەنم نیل بۊە.
زانایلە هەمیش بەشیگ لە نۊسینەیل وە زوان هیرۆگلیفی و یونانی و عەرەوی و قەبتی پەیا کردن، و وتن؛ ئی زوانەیل جیوازە نشان میژوو هەمەڕەنگ شارەگە دەن.