زانی چه‌نیگه خه‌و وه بان چه‌وه‌یلمان نه‌نیشتیه

باوش گه‌رم داڵگ و شه‌وار وه‌گه‌رد خوه‌ی تیه‌رێ

وه ناو ئی چوار دیواریه هه‌ناسمان وه بان نیه‌تێ

چه‌وه‌یل گه‌ن دوير بوو وه‌ لی،هه‌سار وه گه‌رد خوه‌ی تیه‌رێ

وه‌ی پانه ده‌یشت و سای کويه، خه‌و دیمه یه‌ی ڕووژ تیه‌یدنه‌و

ئه‌رای دوواره نیشتنیگ، ده‌وار وه‌گه‌رد خوه‌ی تیه‌رێ

قه‌ێرێگه قیڕه‌ی تفه‌نگه‌یل وه ناو ده‌یشته‌گان نیه‌تێ

ئه‌ڕای من و ئه‌ڕای تفه‌نگ، شکار وه گه‌رد خوه‌ی تیه‌رێ

چه‌ن ساڵه سه‌وزی هويچ گیاێ وه ئێره که‌س وه چه‌و نه‌یه

وه‌ی زوی دوواره تیه‌یدنه‌و، وه‌هار وه‌گه‌رد خوه‌ی تیه‌رێ