كیه؟: ناوى مه‌شه‌ى سه‌ید مه‌هدى كوڕ شامراد كوڕ ته‌قى مه‌نده‌لاوى، له ساڵ 1900 زاین هاتیه‌سه دونیا، له گه‌ڕه‌ك یا مه‌حه‌لله‌ى كه‌پرات، ك 4 كێلوو مه‌تر دویره له شار مه‌نه‌لى، وه‌ى ئاو و هه‌واى خوه‌ش كه‌پرى ك ته‌ك داسه حه‌مرین و پشتكوو، ئى شاعرمانه ده‌سكرده نویسانن شعره‌یل جوان جوان ك له‌ناو ملله‌ته‌گه‌مان جوور عه‌تر وه‌هار په‌خشه‌و بویه ك وه‌ناو داره‌یل خورما و بوو خوه‌ش پرته‌قاڵ له وه‌خت چگن ئه‌را عه‌ید نه‌ورووز له شوونیگ ك ئویشنه پى (میرزا) خوه‌ننه‌ى ك جاى زایگاى شامراى شاعرمانه، هه‌ر له‌ورا یه‌ى جوو بویچگیگ هه‌س ئاوه زوڵاڵه‌گه‌ى ڕى كه‌ى، مه‌ردم وه نه‌ورووز وه‌را جه‌مه‌و بوون، چووپى و ساز دوهڵ كوتن، و بڕیگیان وه شعره‌یل شامراى شاعرمان خوه‌نن، نه به‌س وه‌یرا ، وه‌شوونه‌یل تر هه‌م شعره‌یلى خوه‌نن جوور سویر و سوننه‌ت، و خوازمه‌نى و چشته‌یلى تر، ئى شاعر مه‌ردمیه ( مه‌شه‌ى سه‌ید مه‌هدى شامراد مه‌ندلاوى) له ساڵ 1986 زاین ئه‌مر خوداكرد له به‌غدا، دویاى جه‌وركیشان و زوڵم و سته‌م ڕژیم وه‌رین دى، چ وه سه‌وق كردن چ وه ئاڵشت بوین دیمۆگرافى له شار مه‌نه‌لى، خودا غه‌رق ره‌حمه‌تى بكه‌یگ. چه‌ن به‌یتیگ شعر له شعره‌یلى خه‌یمنه وه‌رده‌س خوه‌نه‌واره‌یل ئه‌زیزمان ك غه‌زه‌لیات ته‌به‌قه‌به‌ندى بووگ:
مه‌نه‌لى له بن قه‌له‌وڵس گشتى
گشتى له قوربان كه‌مره‌گه‌ى پشتى
كه‌مه‌ر به‌ساگه هویكه‌ڵ له بانى
چوینه چه‌و گل ده‌ى باوگى نیه‌زانى
ڕیه‌گه‌ى مه‌نه‌لى بكاڵم په‌مگ
ئه‌را قه‌د باریك شه‌وى شه‌واڵ چه‌رمگ