له‌‌ گه‌‌رمى ته‌‌و و تاریكى زمسان

گل قورس خه‌‌یاڵت

جوور شه‌‌م زیاره‌‌ت

هه‌‌ر گرێ

وه‌‌ كام فه‌‌سڵ سپاردى

دڵداریم بیه‌‌ید

زمسان هه‌‌ر وارانه‌‌ و

هویره‌‌گانم له‌‌رزنێ

یاد زوڵف ته‌‌ڕ و

تكه‌‌ واران بان لێَوه‌‌گانت

ئه‌‌سره‌‌گانم گله‌‌ گله‌‌

وه‌‌ هاوار تێَرێ

وه‌‌هار وه‌‌ ترس بوو گولاى تازه‌‌ و

وه‌‌ ترس ئاواز خه‌‌نین مه‌‌له‌‌گان

له‌‌ دیوو تاریك بێ ڕه‌‌نگم

خه‌‌وه‌‌گانم بێ هه‌‌وه‌‌س هه‌‌ر په‌‌ڕێ

پاییز هه‌‌ر گله‌‌یى كه‌‌ى له‌‌ ده‌‌س وا

منیش گه‌ڵاكانى پاماڵ كه‌‌م

تا ده‌‌نگ ئه‌‌سره‌‌گانم بسڕێ

له‌‌ تاوسان گه‌‌رمێگا

بێ ده‌‌سگانت

گیان تینێ و چه‌‌وه‌‌ڕێم

وه‌‌ بێ كه‌‌س مرێ

له‌‌ ژیر خوڵ و سان

له‌‌ لاى مار و موور

ده‌‌سه‌‌یل سه‌‌ردم وه‌‌لیت

هه‌‌ر گله‌‌یى دێرێ