ئمشه‌و فره‌س ده‌رد دڵم یه‌ی ئاسمان ژانم عه زیز!
بیلا ته‌مام ده‌رد خوه‌م له سه‌ر بوارم گش كه‌سم
چۊ جار جاران دی نیه‌تيه‌ی بنیشیدن له لام
م چیمه‌نه‌گه‌ی پاوڵای فه‌سڵ وه‌هارم گش كه‌سم
یه‌ی ده ف زلان یه‌ی ده‌ف شه‌ماڵ، یا گه‌ر چه‌په‌وا ده‌یده‌لیم
یه‌ی وه‌ڵنگ سه‌وزی دی نه‌مه‌ن قه‌ی شاخ دارم گش كه‌سم
ئمڕوو كه دوينیدن هه‌سه‌م یه‌ی گڕ نیه‌نووڕیدن وه پیم
وه‌ختی كه چیم، دی ئرمسد نیه‌تيه‌ی وه كارم گش كه‌سم
م چه‌وه‌ڕی رووشنيیم فره شه‌كه‌ت بۊمه ت بۊش!
راسی كه دی كه‌ی تێده سه‌ر عومر شه‌وارم گش كه‌سم