مەلوویچکی له بان له‌ق دار
نان ده‌روەچ شاعر بی
٢
سیاسەت زان له بان سەندەلی
یه قاچی له ئیرە
ئه‌و قاچه‌گەی له ئەوەرە
هه‌زرەتەیلێ کراواتیگ له جنس ده‌سڵات
شاعریگ و پیاڵەی چای و سیگار
میواندار مناڵه ورسێه‌گان ئیرە و
مناڵه پا پەتیه‌گان ئەورە
٣
سیاسەت زان!
هاوار و داێ بیداێ
له ده‌س ئه‌ی ته‌مته‌مه‌لوویلانه
شاعرێ!
قوڵپه ی گریان ئه‌ڕا دان مەلوویچک
وه‌ره‌نسکی ئه‌ڕا ماسی ده‌م قولاو
پەنا‌دان هه‌ساره له ناخ دڵ
و کرک پشتی تاڵێ گوڵ چنوویر