لێو مژین
من و سیگار.
٢
من
ئاپارتمان و
شەو:
ئاژاژکی کیشان من
چووپی کیشان
ئاپارتمان.
٣
ماشەی تفەنگ و
دەسیگ سییە
دایکیگ چرویسیا
لە خەم کوڕگەی.
٤
ماشەی تفەنگ و
دەس ڕاوچی
تکە ...تک
ئەسر چەو وەچکە کەڵ.
٥
چەن جارە
جادەی ئاسنی قەتار
داوای ماچ لە ملم کەید.
٦
هامێتە بیین وەل کتاو
چل و هەشت ساڵە
کرانشینی "شامی"
ورکە ورک کەم......
٧
دەس مشتاق وەل
هونەر کردم،
هەمرای وە هەزرەتەی تیشک نوویرم
لە بان سەکو زنەیی.
٨
خەشاوەیل پڕ کردم
لە بەڕوی،
گەڵاکان بینە ئووردی
جەنگ سێیم جەهان
٩
چریکەی مناڵ
هەناسەی سەرد دایک
ئاسمانێ،
پوویچەڵ پوویچ
١٠
وەختێ دار دەم لە تەور
چەفتەو کرد
ماوەش باڵ هەڵماڵی.