ڕه‌سم قه‌دیمه‌ی باپیر چی وه باد
وه‌وى بوى وه (عه‌رووس)زاوا وه (داماد)
مه‌مووژن ئه‌وه‌ز بوى وه (زه‌ن عه‌موو)
(عه‌موو)نانه و شوون جیه‌گه‌ی مه‌موو
خوه‌یشک وه (هه‌مشیره)(داداش)وه برا
باپیر و نه‌نگ ناڕه‌وا کریا
خاڵوو وه (دائی)میمگ وه (خاله)
خوه‌ش وه ئه‌و که‌سه هه‌ر که‌ڕ و لاڵه
ئه‌وانه‌گ نه‌ن وه‌ی جووره کلاس
یه‌ی جار وه فارسی یه‌ی جار وه له‌باس
قه‌وم و بیگانه لیان بویه ئاس
وێڵن له‌ی ناوه نه کوردن نه فارس
بويشید میمگه ئه وه یه‌ی بری
وه‌پی بقوومی زگ خوه‌ی دڕی
ئه‌ر بويشید خاڵوو خاس دوينید وه‌چه‌و
ته‌ویلیش نیه‌گری وه لاده‌میگه‌و
ئه‌ر له خاسیده یا له شه‌مس به‌د!
هساوی نه‌نه‌د ئه‌و سه‌ر جای خوه‌د
ته‌وبه‌ی ده‌ن وه‌پید بی هه‌ق هه‌ساو
یه‌ی جار تره‌ک خاس نایده‌و جوواو
دی له ناو مه‌ردم ئمڕوو له‌ی به‌ینه
قسیه وه زووان داڵگی مه‌ینه
کورد وه فارسییه‌و خوه‌ی ده‌یدن نیشان
فارسییش خارجی هاوردییه‌سه‌و مه‌یان
ڕۆشد و ته‌ره‌قی یا کلاس بان
نه ڕه‌خت و ڕه‌ژمه نه قسیه و زووان