ده‌س تـه‌بـیعه‌ت، هـه‌ر خــوه‌ێ شـه‌ریـکه
هــه‌زاران ســاڵــه، وه‌یـــته‌ور خـه‌ریـکه
مـه‌وجـوودات گشت، هـه‌رکـه جوورێکه
خڵقه‌ت جووراوجوور، نه‌وئو و ته‌ورێکه
مــن شـــێوه‌م ڕه‌نـگـین، نـاخـم پــڕژاره
ئـه‌و یـه‌کـی نــاجــوور، زاتــێ وه کــاره
ده‌رــویـنـــم پــــڕژاره، ئـــه‌یــن ژارمـــار
گــــلـه‌یــی نــــاکـــه‌م، مـــن لـــه کــردگــار
وه‌لــێ لـه ئــنـسان، ســه‌ر ده‌رنــاکـه‌م مـن
لـه تـرس ڕه‌فـتارێ، شـه‌و خـه‌و نـاکـه‌م من
خـه‌ریـکـه ڕیـشـه‌ی، خـوه‌ێ لـه بـن کـه‌نـێ
تــه‌پــڵ نــابــووتــی، ئــه‌ڕا خــوه‌ێ ژه‌نــێ
هـه‌ر هـــا فـکر خـــوه‌ێ، وه تـــاق تــه‌نــیا
چــما هــه‌ر ئــه‌و هـه‌س، لـه ڕوی ئـی دنیا
له ماڵ یـه‌جـووره، له د‌ه‌یـشت سـه‌د جووره
هه‌ر ئه‌و سه‌رچاوه‌ێ، گشت زڵـم و زووره
گیـانــدار و بـێ گــیان، بــیـنه هـــه‌راســان
لــه ده‌س ڕه‌فـــتار و بـــێ ڕه‌حــمی ئــنسان
دار و ســـه‌وزایــی، لــــه ڕیــشـه کــه‌نــێ
وه زه‌جــــر و ژان، گــیـانــداران خــه‌نــێ
جـه‌نــگ و وێـرانــی، بــه‌ڵا و مـوسـیـبه‌ت
ده‌ســکـاری کــردن، ڕویــمه‌ت تـه‌بــیعه‌ت
کـــــــار ئـــنــسانـــن، ئـــیـــانـــه گـــشـتێ
لـه خــه‌روار حـساو، بـــه‌س تـه‌نـیا مشـتێ