ئێساس په‌ڕه‌

په‌ڕ نه‌رمه‌

نه‌رمی خاسه‌.

ئارزو سه‌وزه‌

سه‌وز ئومێده‌

ئومێد هه‌تیاجه‌

مه‌سی هه‌مسه‌

هه‌مسی ته‌سکه‌

ته‌سکی خوه‌شه‌

ئشق قرمزه‌

قرمزی ئاگره‌

ئاگر داخه‌

دووسی به‌نه‌وشه‌

به‌نه‌وش هه‌ڵقه‌ی دووسییه‌

هه‌ڵقه‌ی دووسی نه‌وڕه‌

بێ ده‌نگی بێ ڕه‌نگه‌

بێ ڕه‌نگی که‌رامه‌ت ساده‌گییه‌

ساده‌گی چووڕاوه‌ی بێ خلت خه‌وشییه‌

تاقه‌ت چه‌رمگه‌

چه‌رمگ هووش کڕ کپییه‌

کڕ کپی جار وه‌خت خاسه‌

کونیه‌ت سیه‌س

سیه‌  تارکییه‌

له‌ تاریکی چه‌و چه‌و ناوینێ

زنده‌گی وریج واج ‌ڕه‌نگه‌یله‌

ئه‌خڵاق ‌ڕه‌نگه‌یله‌

‌ڕه‌نگ ‌ڕێنوویس هاڵه‌ته‌

‌ڕه‌نگ ‌ڕه‌فتار زه‌ڕینه‌وسیمینه‌س.