**********

له پێڵ ̗ داره کاجه، بوومه نه‌زرێ!

ته‌که‌و داگه له باجه، بوومه نه‌زرێ!

گڕێ یه‌ێ جا شماره‌ێ م ̗ درارێ

هه لێره تا "قه‌لاجه" بوومه نه‌زرێ!

**********

چمانێ  ئه و  دڵه  له  هووز ̗  سانه

هه ت  ئاێه‌م، م  هۊ... تف له‌ێ  ژیانه

ئه‌سڵ یه‌ێ جا وه‌مه‌و شێرێ نه‌نۊسای

م  زانم  زه‌وقدی...  خانه  گومانه

**********

زنه‌ی  چاڵێ  که‌نی که‌فتگمه‌سه چاێ

له چنگ چاڵ زنه‌ی وه‌ێ، وه‌ێ بکه‌ن واێ

چه دی زه‌وقێ  هه‌سه  شێرێ  بنۊسم؟

هه  هامه  فێر ̗  وام  و  زامنێ  ڕاێ ...

**********

تیه‌ریکه‌شه‌و  له  گیانم  ته‌و  جه‌مه‌و  دوو

وه ر ̗ هه‌ر د̗ چه‌مم تار  و  ته‌مه‌و  دوو

خوزه‌و دووس ئمشه‌وی...  باێگه‌و  دیارم

هه‌نه‌ێ ئه‌ۊ دیاێ چمان ڕووژه‌و له‌مه‌و  دوو

**********

ت وه خوڵق گه‌ند دنیاێ م ته‌نگ که‌ی

ئه‌سڵ ده‌نگ له‌د نیه‌که‌م، ڕا خوه‌د هه ده‌نگ که‌ی

گڕێ یه‌ێ جا هه ئۊشیده‌م ... ت ̗ لێوه‌ێ!

ولا م ئاقڵم ت فێر ̗ جه نگ که‌ی

**********

گڕێ یه‌ێ جا دیای و وه خه‌نه خه‌ن

سه‌رێ ده‌ی له‌م چمان رووژه‌و له‌مه‌و که‌ن

له نوو هه‌م داجمید و دڵ له م ̗ نه‌ی

خوه‌مانیمن! تنی که‌فتیده له فه‌ن

**********

نه‌زانسم سڕ باڵاێ بڵێنێ

خڕم داگه خڕ ̗ باڵاێ بڵێنێ

نه‌ زه‌ۊ هیلێگه‌مه گرد و نه موڵه‌ق

سه‌رم داگه بڕ باڵاێ بڵێنێ

**********

چراخه قرمزۊ رفتێ کوتاگه‌م

گوڵێ دامێ قورووشێ رۊ نێا وه‌م

دۊه‌تˏهامساگه‌مان سانتافه دێرێ

منیشه گوڵ فرووشˏ چوارڕاگه م