بى سايه و بى به‌ر گلاى ڕزيايه
بويه وه ماواى مه‌ل و موور و مار
پوى تار و بى به‌ر ،په‌شيو و بيمار
وه‌تم خودا بوو له ناو بى قوتو
چويزه درارى، ڕه‌وز بكه‌ى له نوو ؟
هيشتمه‌ى وه جى چيمه‌و وه‌ره‌و ماڵ
دى بى خه‌ور بويم تاوه چه‌نى ساڵ
يه‌ى ڕووژ هه‌ڵسام چيم وه سه‌ر كوو
ديم داره وشكه سه‌وز بويه له نوو
سايه‌ى دڵنشين، ميوه‌ى فه‌راوان
چوى داره‌يل به‌رز له سه‌ر سه‌راوان
وه‌تم داره‌گه‌ى پويتار و بى به‌ر
ئى چه‌تر سه‌وزه چوى كيشايده‌و سه‌ر؟
دار هاته‌و زوان ئى قسيه پيم كه رد:
به‌ش نائميد زويخه و ئاه سه‌رد
ئميده‌وار بويم وه يه‌زدان پاك
ڕه‌وز كردم له نوو دراتم له خاك
له‌وه‌ر دراوردم جامه‌ى ته‌ترانى
ئه‌وسا به شم دا له شادمانى