کەپوو! یە چەتە سەر لەت شێویایه
خوەت دایته وه دەس ئی نەرمە وایه
وە چەپ و وە راس یا خوار و یا بان
نە دە زەوی نیشی نە دە ئاسمان
نه ئەڵپەڕی‌وه دەی کان وە ئەو کان
نه قەرار دیری نە جای نێشتمان
خڕ له‌ت بڕیاگه وێنەی خڕینجگ
نە دار خڕێگەت نە بڕ و بنجگ
ئەر تو بزانی حاڵ م چۆنه
چ دەرد و خەمێ دیرم دە سینه
سەر ئەڵگری، چی وەراو بیاوان
خوەت نیەخەێ ئەو وەر وەڵوەڵەێ زووان
دەرد م فرەس یەک و دو نییه
ئەوەڵ دەردەگەم لە بێ کەسی‌یه
دوێم دەرد م دە ئەو کەم نییە
دەرد بێ دەرمان دەس خالی‌یه
دەرد م ئه‌و رێ هیچ‌کەسێ نیاێ
ئەگەر ژنێ بوو یان شێرە پیاێ
پشتێ ئشکنێ ئی بار خەمه
خەم وتن ئاسان، هەێ لۆل و تەمه
خوەشی‌یم شێوان کورونا ویرووس
نە که‌س ئەڕام هێشت نە قام و نە دووس
*عەبدوڵحوسەین عه‌سگه‌ری
(ته‌ش په‌ره‌ک) مێهرانی