له شوونت‌که‌ێ تو̈یه‌نم بچم دی هه‌ر دْپایلم ڕه‌و نیه‌که‌ێ
وه‌ێ بار گــــــه‌وراێ بێ هه‌د و وه‌ێ ڕه‌نجْ بێ شمـــاره‌وه
وه‌تم: مه‌چوو ته‌نیام مه‌که له‌ێ ده‌یشتْ چووڵْ بێده‌نگه
ئه‌گه‌ر توواید ئڕاد تیـــــه‌رم، وه ئاسمان هســـــاره‌وه
هه‌رچێگ وه‌تم:گووش پیم نێیا، چێ ومنیش ته‌نیا مه‌نم
پیر وگوڵووڵه و ناتووان، وه‌ێ جه‌رگْ تیکه‌پــــــــاره‌وه
ئه‌گه‌ر بو̈ده کوومه‌ێ دڕگ، له‌ێ ژێرْ پاێ زامدارمه
ئجازه نیه‌م درارنه‌ت هه‌تـا وه نــاو گـلاره‌وه
ڕووژ ئه‌و ژیان ده‌سم نیه‌چوو، له فکر و هـــــو̈رمانْ ت
شه‌وێگ نییه سه‌ره‌و نه‌نه‌م لـــــه داخد وه پـــــــه‌ژاره‌وه
له دارْ دنیا قسمه‌تم بارێگ له ڕه‌نج و مه‌ێنه‌ت بـــــو̈
تنیش به‌دتر پیرم مه‌که وه‌ێ چــــه‌رخْ رووژگــــاره‌وه
شه‌رت بوو ئه‌گه‌ر ئه‌دا بکه‌ی، له لیم ئێ گیانْ شیرنه
له قوڕنْ دڵ فــــداێ بکه‌م، زو̈ وه ئه‌وه‌ڵ ئشــــاره‌وه
محه‌مه‌د په‌روه‌ر