صه‌د ده‌ف وتمه‌ هميش ئويشمو من وه گَرد تنه‌و نه‌فه‌س كيشمو

وه بونه‌ی تنه‌و له‌يره نيشمو هه‌زار و يه‌ی شه‌ڕ بووده ريشمه‌و

كه‌م ناو چيين بووه‌ ، كه‌م بوه زاورم وه خودا بچيد وه شوند مرم

وه هه‌ر كو چيمه ناود بردمه نه‌زر و نيازان ئه‌ڕاد كردمه

زريه‌گه‌ى داوود چيمه گردمه هه‌ر وه بوونه‌ى تنه‌و من نمردمه

داخ چينه‌گَه‌د چنگ ناسه قوڕگم وه خودا بچيد وه شوند مرم

كوره بومه نه‌زر ئَه‌و گوڵوه‌نيده‌ چه‌وم شيت ئه‌وچه‌و ئَه‌رمه‌نيده

خه‌نه‌م وه نه‌زر ئَه‌و هه‌ركه‌ی خه‌نيده وه‌ی بان زويه‌ يه چوی مه‌نيده

دردد وه گيانم دردد وه سه‌رم وه خودا بچيد وه شوند مرم

هه‌گ نه‌وينمه‌د شينه ماڵمان هاوارم چودن تا وه ئاسمان

به‌وره‌‌و وه داخ دويريد نه‌‌يلَه‌مان پياوه‌تی كه بپرس حاڵمان

هه‌ناس سه‌ردو ره‌نج بيوه‌رم وه خودا بچيد وه شوند مرم

هاها مانگ ئاسمان كَه‌و روشن كَه‌ره‌گَه‌ی تيه‌ريكان شه‌و

ئيسه كه يه‌ی شه‌و هايده لای منه‌و چوی وه دڵد تيه‌ى زوی زوى بچيده‌و

ئه‌گه‌ر روژه‌و بوو زگ خوه‌ر دڕم وه خودا بچيد وه شوند مرم

قسه‌ی خوه‌ش بكه باڵا به‌رز چين چه‌و مه‌س چه‌و سيه وه وينه‌ی شيرين

حه‌ق وه ده‌سده ئه‌ر بچيده قين چه ئاشويگی بی خودای بی دين

وه دين ده‌رچيمه يه‌سه كافرم وه خودا بچيد وه شوند مرم

وه‌هار وختيگه ت بايده باوان وه‌نه باقی گشت پاييزه و زمسان

هه‌ر چيگه ديرم چيه وه تاڵان چه‌و و ده‌س و پا ، سه‌ر و دڵ و گيان

خاس بنوڕه پيم كوره‌ی ئاگرم وه خودا بچيد وه شوند مرم