واران ناز و خاسه‌گه‌د وه بان سه‌رم ره‌ی بين و چين

هه‌ر من وه ئه‌ور و ئاوه‌گه‌د به‌شيگ نه‌وردم ئاسمان

تا گه‌ر پيا بِكه‌م وه ئی وڵات  وشكه يه‌ی كيه‌نيگ

ئومريگ وه ليو تينيه‌و شه‌واره كردم ئاسمان

بويش ها له كووره ئه‌و وه‌هار سه‌وز و پِڕ له باخده

وه شوون ژێر سايه‌ڕيگ چه‌نی بگه‌ردم ئاسمان

وه‌ی هه‌مكه ئاو و كيه‌نی و ئه‌ور سيه و سفيدده

هه‌ر من وه كووسِ كه‌فتێيِم سراوی بِردم ئاسمان

هه‌ناسم دی وه بان نيه‌تی،يه دی دويای هاوارمه

ها كووره ئه‌ور و ئاوه‌گه‌د،وه تينی مردم ئاسمان