تەنیا وەشوون مەنێ یەی پاپووڕ شکیاێ کەفتە ناو دووڕگەێ چک چووڵێ ...

ئەو وەدڵێ خەمین  دوواو نزا کرد تا خودا نجاتێ بێیەێد و هەر سەێ ڕووژەیل فرەێگ ئاسووی نجات وە ئومید میەت تەماشا کردیاد، بەڵام کەسێ نیاتیاد.

تا یەگ شەکەت و وڵەکەت لە پا کەفتێ تۊەنس لە تەختە شکیا چەرداخێ دروس بکەێ تا خوەێ لە مەل و موور بپارێزێ و تیکلە سروەتێ ک داشت لە ناوێ بپارێزێ.

وەلێ یەی ڕووژ کە وە مێنەی خواردن چۊدە دەیشت چەرداخەگەێ، لە وەخت هاتنە دۊا ئەڕا ناو چەرداخەگەی دی کە چەرداخەی لەپەسا سزێد و دۊکەڵ لە لێ چوودە ئاسمان، وەداخەوا گەنترین پیشهات  کەفتوید ئەرای و هەرچە داشت لە کیسی چۊد.

لە خوسەو خەیز فرە لەو شوونە ماقیا برد. هاوار کرد" خودایا چۊ رازی بۊد وەگەرد منا لێوا کارێ بکەی ؟ "

شەوەکی ئیڕووژ وەدەنگ بووق پاپوڕێ کە لە پەسا ورەو لۊ دەریا نزیکا بیاد لە خەو چرچگیاوا. پاپووڕێ هاتۊد تا نجاتێ بێیەێ.

پیای شەکەت، لە نجات دەرەیلێ پرسیار کرد : ئێوە لە کوو زانستین مە هامە ئێرە؟

ئەوان وڵام دان : ئیمە وە دۊکەڵێ کە نیشانە دای زانستیم.

وەختێ کە باردووخ خراو بوو ، نا ئمێد بۊن ئاسانە. وەلێ ئیمە دڵمان نەبایەس بدانەیم.

چۊن تەنانەت لە ناو خەم و خوسەو پەژارە دەس خودا ها ناو کار و ژیاینمان.

ئانتوونی  ڕابینز