هەرچیگە مانگ و هسارەس بۊن وە قوروان چەود

نازەنیــــنەیل وڵاتــم گــــشت پەریـــــشان چەود

ئەوقـــەرە جور ئاســــمان رەنــــگد زڵاڵ و ئابــییە

کە تەمــام ئەورەگان بــۊن دەس وە داوان چەود

زەڕگ زەڕەگ مـــێهرەبانی لـــە چـــەوەیـــلد جاڕیــــیە

بێ خەور هــەرچێ دڵە کەفتن لە زنــــدان چـەود

ئێ شـــەراوە تا ئەبەد مینێدە هـــــۊر وەڵنــگەگان

بــان هــــەر دارێ بنـــــۊسن راز پنـــــهان چــەود

جــوور مێـــوان ئـەزیزێ نیــشتە بەرزی شانەگـــەد

ئاســـمان و ئەور و دەریـا بــوون وە باوان چـەود

مەهوەش سوڵیمانپووڕ "سوزان"