خـــوه‌د نه‌شــــاره‌و نازه‌نینــــم، کـــه‌م له‌لیـــــم دۊری بکـــــه‌

بیلــــــه بـۊنــــم به‌رزی باڵاگـــــــه‌د وه‌ چـــــــاوم، هایده کوو؟

رۊ که‌مه مه‌یخانــــــــه هه‌ر شـه‌و، باده‌ سه‌ر کیشم لــه داخ

مه‌ست و وه‌‌یلان هامـــــه‌ناو کووچـــــه‌و خیاوان، هایده کوو؟

چۊ له یاد که‌م باوه‌ش گه‌رمد ئه‌زیزم، له‌ی شه‌وه‌یل بی‌تونه؟

ئه‌زره‌ت یــــه‌ی مــاچ‌تــــــــر دیــــــرم لــه‌لیــــــود، هایده کوو؟

ناڵــم و هه‌رشـــــه‌و له‌ دیـــــــده‌م ئه‌ســــر خــۊنه تێـده خوار

دی له دۊرید وه‌ختـــه کـــــووره بــــــوو گـــلاره‌م، هایده کوو؟

پیـــــــره داریگــــم چمــــــانی، ده‌یــــــده لیــــــم پائیـــــزه وا

له‌ی خه‌زانــــــه‌، لــــه‌ی گه‌ڵاریــــزان عومـــــــره، هایده کوو؟

دڵ وه چه‌ی ئی ماڵـــه خـوه‌ش که‌م، وه‌ختی زانم نیده لام؟

توام نه‌مینـــی، بـووده ویرانـــــه وه بــــی تـــــــو، هایده کوو؟

داخ دۊریــــد ئاگـــــــرم ده‌ی، سووزنــــی جــــــه‌رگ و ده‌رۊن

بــه‌و ده‌رم بــــاره لـه‌ ئـــی گشتــــــه عـــــه‌زاوه، هایده کوو؟