ئمڕوو یەکێ وە هەڵە ئڕام کل کردۊ:
"هایدە کوو؟!"
ناو دڵم ڕشیادە یەکا،
فەرە وەخت بۊ چەوەڕێ شنەفتن° ئێ یەێ وشە بۊم...
چ° فەرخێ کەێ لە کوورەێ دنیا نۊشتۊد؟!
گرینگ یەسە یەێ نەفەر هەس یەگ° هایدە کوو گرینگە ئڕای...
هاتێ ئەو یەێ کەسە لە ڕۊێا ناتۊ بۊشێ دڵم ئڕاد تەنڰ بۊەو وڕاوە لە گیانم بکەێ ک° بەو دی...!
وە گێشت ئێ قسیەیلە کۆڵو کۆڵبڕ بوودە یەگ°
هایدە کوو؟؟؟
داشتم وەێ چێشتەیلە ناو زەێنم هۊر کردم ک° لە نوو کل کرد:
"بوەخشین هەڵە کل کردم!!"
ئڕای نۊسام:
زانم!
من لە وسەنگەێ ئتبووس، خێاوان° "سعدی" نیشتمە؛
بوود وە هەڵە هاڵم بپرسین...!؟
ئایەمەیل° خەرێوە ئڕایان گرینگ نیە ک° ئایەمەیل‌ترەک هاڵیان چۊنەو لە کوورەێ ئێ شارە نیشتنە
ت° ک° خەرێوە نیید...!
لە هاڵم بپرس؛ بۊش هایدە کــــــــوو؟!
روناک باپیران