-١-
سەیرە سڵادار ماڵ خوەێ نییە
عه‌جه‌و ماڵێگه،
قه‌قەس
-٢-
م ده نام ِ خوه‌م حه‌بس ئه‌به‌دێگم
تو ده نام ِ خوه‌ت
ئه‌و ده نام ِ خوه‌ت
ده‌مته‌قه‌ی قه‌شمه‌ریێگه؛
ئازادی
-٣-
ده ویرتان بمینێ ساعه‌تێ بنن ده نام قه‌وره‌م
هه‌ر شه‌وه‌کیان،
بایەد بچمه سه‌ر کار.
-٤-
ئه‌ر واران بوارێ
دەمتەقەی چەتر و شڵپەی ئاو
ئه‌ر واران بوارێ
هەڵکە هەڵکە چەمەیل تون و هەناس داخ خوەم
ئه‌ر واران بوارێ
کوڵە‌سووکێ دە کووچەیێگە و گەزە بووچکەڵەی لە گوپ تون و ئه‌ر واران بوارێ
خوەزەو واران بوارێ
-٥-
ده‌س خسته ملم
تا سلفیێ بگریم
وه‌و لێوەخەنەوە
چووزانستم یە مەرگمە
-٦-
قورسەیلە‌م خواردمە
مسواکەم دامە
چە‌مەرێ مینم
تا بچیمن ئەڕا گەشتەڵی
خوەم و عزرائیل
-٧-
هە گ هاتیمنە دی
مەرگ دە قوڵ مێشت گێشتمان بی
یەمە،
هە گری بکە
ئەڕا خوەت
سامان به‌ختیاری