یه‌ێ رووژ دوواره تیه‌ێدنه‌و، وهار وه گه‌رد خوەی تیه‌رێ

ئێ ته‌پ‌و تووزه هه‌ڵگرێ، قه‌رار وه گه‌رد خوەی تیه‌رێ

زانی چه‌نیگه خه‌و وه بان چه‌ویلمان نه‌نیشتیه؟!

باوش گه‌رم داڵگ‌و شه‌وار وه گه‌رد خوەی تیه‌رێ

وه ناو ئێ چوار دیواریه هناسمان وه بان نیه‌تێ

چه‌وه‌یل گه‌ن دۊر بوو وەلێ، هسار وه گه‌رد خوەی تیه‌رێ

وه‌ی پانه ده‌یشت‌و سای کۊه، خه‌و دیمه یه‌ی رووژ تیەێدنەو

ئەرا دوواره نیشتنیگ، دووار وه گه‌رد خوەی تیه‌رێ

قه‌ێریگه قیڕه‌ی تفەنڰەیل، وه ناو ده‌یشته‌گان نیەتێ

ئڕای من‌و ئڕای تفەنڰ، شکار وه گه‌رد خوەی تیه‌رێ

 چه‌ن ساله سه‌ونزی هۊچ گیای، وه ئیره، که‌س وه چه‌و نه‌یه

وه‌ی زۊ دوواره تیەێدنەو، وه‌هار وه گه‌رد خوەی تیه‌رێ...

                    رضا جمشیدی