فەرزانەێ یووسفی 

خوەم ک نە، ئەما ،خێاڵم ڤەرێ تو

تا بخوازی عەتر شاڵم ، ڤەرێ تو

هەر بڵایی ها دە تاڵەت ،ڤەرێ م

شادی ئەر ها دە فاڵم ،ڤەرێ تو

شێوەنۆ چی گردئاویی حاڵ دڵم

ئەورێ ڤارۆنم زڵاڵم ، ڤەرێ تو

تووڕ کە نە، قەڵو  خسێ ڤ برمەڵت

دە گەونم ،مۆی گڵاڵم ڤەرێ تو

دەنگ ئەڵارم ، بڕ دووڤم، شێت و ڤڕم

ساز نێیکەم ، ناڵە ناڵەم ڤەرێ تو

تا ڤتم هاینە خەیاڵم گوم دوویی....

ڕێ دڵ ، دام ڤێ هەڤاڵم، ڤەرێ تو

دووم تەنی ئەژ ئاسمونم ، پڕ گری

کەوگەکەێ بێ پەر و باڵم ڤەرێ تو.