بێ ستوینى خه‌‌م ها وه‌‌ شانمه‌‌و

شویه‌‌ڵه‌‌ێ ئاگرین نا وه‌‌ گیانمه‌‌و

ئیمه‌‌یش چوى ئیوه‌‌ دڵ ئاگرینیم

خوداوه‌‌ن نه‌‌كه‌‌ێ داخ یه‌‌ك بوینیم

كوردى زووانم كه‌‌ڵڕ  نیشته‌‌ جام

ده‌‌فته‌‌ر عومرم ئه‌‌گه‌‌ر بوى ته‌‌مام

كوردستان بزان باشوور  نشینم

حازر نیم زه‌‌خمى له‌‌ گیاند بوینم

حازر نیم بووڕى ئه‌‌ى ئه‌‌وریشمه‌

ئه‌‌ێ ئه‌‌وریشم په‌‌س و پێشمه‌‌

كورد باكوور م دڵم ها له‌‌ لات

دڵ هه‌‌م ته‌‌زاریم  په‌‌خشه‌‌ له‌ وڵات

دڵ هه‌‌م ته‌‌زاریم تا گه‌‌ر بایته‌‌ لام

تاگه‌‌ر گوییه‌‌ به‌‌یده‌‌ زه‌‌نجیر سدام

چه‌‌نێ خوه‌‌شاڵویم سه‌‌ر داكیشایدا

چه‌‌نێ شێتێ تو چه‌‌نێ بویم شه‌‌یدا

تا ئه‌‌راد بویشم نه‌‌ جوور به‌‌ردیم

هاوزووان هاوده‌‌نگ هاوبه‌‌ش هاوده‌‌ردیم

ئه‌‌ێ نیشتمانه‌‌ جى گێشتمانه‌‌

بن چینه‌‌مان ماد  یه‌‌ پێشتمانه‌‌

سه‌‌ر باره‌‌و دیار ئه‌‌ێ مانشته‌‌وه‌‌

تا بوینى سوڵتان كویه‌‌یل گشته‌‌وه‌‌

داخ ها له‌‌ دڵێ ئه‌‌ێ كویه‌‌ێ به‌‌رزه‌‌

به‌‌ێن شه‌‌و و ڕووژ ئه‌‌ێ ته‌‌نیا مه‌‌رزه‌‌

كوردستان ئمڕووژ كورده‌‌یل جه‌‌م بوینه‌‌

تا یه‌‌ك یه‌‌ك بویشیم دڵمان خوینه‌‌

تا گه‌‌ر بزانى یه‌‌ داڵاهووه‌‌

بن و بنچینه‌‌ێ كورده‌‌یل تا كووه‌‌

یه‌‌ مه‌‌هاباد ئه‌‌وه‌‌یش مه‌‌ریوانه‌‌

یه‌‌ شێعر ناب وه‌‌لى دیوانه‌‌

چوى مانگ چوارده‌‌ جوور قومچه‌‌ێ گوڵ

عه‌‌سكت كه‌‌فت له‌‌ ناو زڕیوار  دڵ

چوى دار به‌‌رزێ خستیده‌‌ ساێه‌‌

چوى قڵاقیران  قوڵ ده‌‌ید له‌‌ پاێه‌‌

ده‌‌نگد په‌‌خش بویه‌‌ له‌‌ كورده‌‌ماڵان

هه‌‌ناسد بژى چوى جار جاران

له‌‌ك  و هه‌‌ورامان  له‌‌ شێعرد ئویشن

شێعرد له‌‌ روى تاش كێله‌‌شین  كیشن

بانه‌ ‌و مه‌‌ریوان  سه‌ێوان  و گووران

كرمانج  و كه‌‌ڵڕ له‌‌ك و هه‌‌ورامان

جاف  و قه‌‌ڵخانى  شنۆ  و موكریان

كرماشا  و ئیلام، ئه‌‌یوان  و بوكان

سنه‌ ‌ و جوانڕۆ  باخ میراوا

یه‌ ‌دێلڕاند  ئه‌‌وه‌‌یش ئارویناوا

مێهران  و پاوه‌‌  زه‌‌هاو  سه‌‌وڵ ئاوا

ده‌‌نگ شێره‌‌یلد له‌‌ خوڕم ئاوا

یه‌‌ سراوبازان  ئه‌‌وه‌‌یش رێژاود

یه‌‌ كامیارانه‌ ‌ له‌‌ێ داوه‌‌ێ داود

گیه‌‌ڵان  و سه‌‌ومار  چوى شاخ شاهۆ

دڵ ئاگرینن چوى ده‌‌یشت به‌‌مۆ

ڕوانسه‌‌ر  سه‌‌حنه‌ ‌ هه‌‌رسین  و كرێن

چوى مه‌‌ڵحه‌‌م ساڕێژ كه‌‌ێ شێعرد برێن

گل ده‌‌ن شێعره‌یلد سینه‌‌ وه‌‌ سینه‌‌

سه‌‌ر لیمان داكیش ئه‌‌ێ ناڵشكینه‌‌

ده‌‌نگ زوڵاڵد بیلا باێگه‌‌ گووش

باشوورنشینه‌‌یل نه‌‌كه‌‌ى فه‌‌رامووش

كه‌‌ڵڕ وه‌‌و كوڕه‌‌یل گوورانى بێژه‌

تفه‌‌نگچیه‌‌یل سه‌‌رنه‌‌ێزه‌‌ تێژه‌‌

بێ ستوین  وه‌‌و زه‌‌خم ئه‌‌زیزانه‌‌

وه‌‌و تیر و تانه‌‌ێ بێ ته‌‌میزانه‌‌

هه‌‌ورامان وه‌‌و ده‌‌نگ سیاچه‌‌مانه‌‌

وه‌‌و ده‌‌نگ به‌‌رز چه‌‌نگ و چه‌‌قانه‌ ‌

وه‌‌و كڵاش له‌‌ پایل ئووردى  شكنه‌‌

كه‌‌ هه‌‌ر كوو نیشید باسێ كردنه‌‌

كورد باكوورم خه‌‌باتت  به‌‌رزه‌‌

گیان داین ئیمه‌‌ وه‌‌ ئیوه‌‌ فه‌‌رزه‌‌

مانشت وه‌‌و به‌‌رزى هه‌‌واێ دڵدارى

ئاماده‌‌س ره‌‌فیق! تا ته‌‌شریف بارى

ته‌‌مویره‌‌  و كه‌‌ڵام  ئه‌‌ێ داڵاهووه‌‌

چوى هوره‌‌ێ كه‌‌ڵڕ  هاله‌‌ ئه‌‌ێ تووه‌

له‌‌ چوار چراخ ئه‌‌ێ مه‌‌هاباده‌‌

ئوستووره‌‌ێ كوردى بویه‌‌ ئاماده‌‌

ئوستووره‌‌ێ كوردى نیشانه‌‌ێ خه‌‌بات

مه‌‌ر براێ كوردم له‌‌ ناو ڕووژهه‌‌ڵات

ئمجا مه‌‌ریوان وه‌‌و فیله‌‌ قووسه‌‌

ده‌‌وریش چووڵ گه‌‌رد جامه‌‌ كه‌‌ڵ پووسه‌‌

دوعاى زۆر گیراس بۆ ژین له‌‌ دادار

ئه‌‌و به‌‌ره‌هووته‌‌ كرد وه‌‌ زڕێوار

ئه‌‌و مه‌‌ریوان ده‌‌ریاچه‌‌ داره‌‌

مات و خه‌‌مبار دوانزه‌‌ سواره‌‌

وه‌‌لى دێوانه‌‌ جاف شاره‌‌زوور

شاعرێ جوان وه‌‌ك مانگى پڕ نوور

قڵاقیرانیش جیگاێ شاره‌‌زاس

شاعرێ پاێ ئه‌‌و هه‌‌ر غوڵامره‌‌زاس ‌

له‌‌ك و لور هه‌‌ردوگ دو براێ كوردن

چه‌‌مه‌‌رى  و موور  وه‌‌ خڵات بردن

موڵك لوڕستان جیگه‌‌ێ تاهێره‌‌

شێعرى دڵدارى زوورم تێپره‌‌

فاتمه‌‌ لوڕیش نازدارێ بابا

شازاده‌‌ێ شووخ بێ كچێ دڵڕوبا

ئمجا كێڵه‌‌شین ئه‌‌و سیاسه‌‌نگه‌‌

جیگاێ سى هه‌‌زار براێ خوین ره‌‌نگه‌‌

سه‌ێوان زامدار برایل ئیڵه‌‌

زه‌‌خمه‌‌یل له‌‌ش كوردێ چوى هێڵه‌‌

كرمانج و كه‌‌ڵڕ هه‌‌ردوگ هاو ده‌‌ردن

گرفتار وه‌‌ ده‌‌س زستانێ سه‌‌ردن

جاف جوانڕو جاف مورادى

ده‌‌نگیان به‌‌رزه‌‌ ئرا ئازادى

كیان كیانان ئێڵ قه‌‌ڵخانى

ته‌‌مویره‌‌و كه‌‌ڵام رووح توفانى

شنو شارێ خوه‌‌ش له‌‌ كوردسانه‌‌

ئاماده‌‌ێ به‌‌سین عه‌هدو په‌‌ێمانه‌‌

حه‌‌یرانى،لاوه‌‌ك، له‌‌ ناو موكریان

موسیقاێ قه‌‌وم هه‌‌موو ئاریان

كرماشان وه‌‌و تاق تاقوه‌‌سانه‌‌وه‌‌

وه‌‌و شێره‌‌ كوڕه‌‌یل بێ ئامانه‌‌وه‌‌

وه‌‌و كورد ئه‌‌سیل نژاده‌‌ێ گه‌‌وره‌‌

خودا مه‌‌زانێ هن كامین ده‌‌وره‌‌

كرماشان وه‌‌و ژنه‌‌یل گوڵوه‌‌نى  شووره‌‌

ئه‌‌و كه‌‌ڵڕ نشین له‌‌ عام مه‌ێشووره‌‌

ئیلام وه‌‌و كویه‌‌ێ به‌‌رز مانشته‌‌

كورده‌‌یل بزانن براێ هاوپشته‌‌

له‌‌ ئه‌‌یوان شاكه‌‌ و خان مه‌‌سویر  سه‌‌رن

خه‌‌ڵكى ئه‌‌ێ موڵكه‌‌ میوان په‌‌روه‌‌رن

ئه‌‌یوان جاێ خاسه‌‌یل كه‌‌ڵڕنشینه‌‌

موڵكێ ئاباده‌‌ ئه‌‌ێ سه‌‌رزه‌‌مینه‌‌

ئه‌‌و شار خوه‌‌شه‌‌ بزان بوكانه‌‌

زیره‌‌ك بوڵبڵى ئه‌‌و گوڵستانه‌‌

یه‌‌ ده‌‌نگ شێر دێلڕانمه‌‌

تفه‌‌نگ وه‌‌ ده‌‌سه‌‌یل كوردسانمه‌‌

ئاودانان وه‌‌ كوره‌‌یل شوخ شه‌‌ش دانگه‌‌

جوور مانگه‌‌شه‌‌و قراوڵ ناگه‌‌

ئه‌‌و ئسڵام ئاوا ئاروین ئاباده‌‌

شارێكێ زۆر خوه‌‌ش وه‌‌ك مه‌‌هاباده‌‌

مێهران وه‌‌و كوڕه‌‌یل شێر چاڵاكه‌‌

مه‌‌حافزه‌‌یل ئه‌‌ێ ئاو و خاكه‌‌

پاوه‌‌ وه‌‌و كه‌‌ژ  ئاته‌‌شگاێ  ده‌‌وره‌‌

وه‌‌و كوره‌‌یل ته‌‌ێار نزامى ته‌‌وره‌‌

سراوبازاند  پڕ له‌‌ قه‌‌تاره‌‌

لاوانێ خه‌‌ریك وه‌‌ك ئاته‌‌ش پاره‌‌

ڕێژاو جیاگه‌‌ێ نه‌‌و دڵداریمه‌‌

جى سه‌‌ێرو سه‌‌فاو بێ قه‌‌راریمه‌‌

كورد كامیاران كوردێ نژاده‌‌س

هه‌‌ر ماڵێ بچید كوڕ له‌‌ ده‌‌س داده‌‌س

گیه‌‌ڵان جیاگه‌‌ێ داودخانمه‌ ‌

كه‌‌ڵڕنشین و كورد زووانمه‌‌

ئێڵ كه‌‌ڵێن كه‌‌ڵڕ ها ئه‌‌وره‌‌

خان و خانزاێه‌‌س شازاده‌‌ێ ده‌‌وره‌‌

سه‌‌روه‌‌ن شووره‌‌یل كه‌‌ڵڕ مه‌‌ێشوورن

وه‌‌ك مانگى تابان وه‌‌ك شویڵه‌‌ێ نوورن

سه‌‌وماریش كوردن كورد ئازاده‌‌

هه‌‌ژار  و هه‌‌تێو  كه‌‌س له‌‌ ده‌‌س داده‌‌

شاهۆیش به‌‌رزه‌‌له‌‌ێ كوردستانه‌‌

نیشانه‌‌ێ قودره‌‌ت ئێڵ وه‌‌ بێگانه‌‌

به‌‌موو چوى ده‌‌یشت ئه‌‌یوان ئیڵاخه‌

له‌‌ داخ یاره‌‌یل سه‌‌راێ سه‌‌رداخه‌‌

كورد ره‌‌وانسه‌‌ر جوانێ بێ باكه‌‌

ئرا كوردستان سینه‌‌ چاك چاكه‌‌

سراو سه‌‌حنه‌‌ پر له‌‌ باخاته‌‌

كیه‌‌نیێگ  دێرێگ ئاو حه‌‌یاته‌‌

جانى هه‌‌رسینى  شاعێرێك باشه‌ ‌

سه‌‌نه‌‌م گوڵ  داێه‌‌م هه‌‌ر وه‌‌ ته‌‌ماشه‌‌

كرن وه‌‌و مه‌‌ردان جه‌‌م له‌‌ جه‌‌مخانه‌‌

پیربنیامین  هه‌‌م كورد زووانه‌

زیویه‌‌ێ  سه‌‌قز نیشانه‌‌ێ ده‌‌وران

جیگاێ ته‌‌مه‌‌دن كورد و كوردستان

هه‌‌ژار  وه‌‌و فه‌‌رهه‌‌نگ واڵاێ كوردیه‌‌و

وه‌‌و ئاڵاێ  سوور ‌ سراێ سه‌‌ریه‌‌و

تبى بوعه‌‌لى وه‌‌رگیرانده‌‌وه‌‌

ئاڵاى عێلم و شێعر ئه‌‌و وه‌‌شانده‌‌وه‌‌

هێمن  وه‌‌و داخ نه‌‌ره‌‌ شێرانه‌‌

وه‌‌و ده‌‌رده‌‌یل گران كورد ئێرانه‌‌

وه‌‌و ناڵه‌‌ێ ده‌‌رد و جودایى پێشه‌‌

وه‌‌و خاتر په‌‌ژار وه‌‌و ئاهو‌و ئێشه‌‌

وه‌‌فائى وه‌‌و شێعر به‌‌رز زه‌‌مانه‌‌

وه‌‌و ره‌‌نج و مه‌‌ێنه‌‌ت  ئه‌‌ى كوردستانه‌‌

جوور ئاربابا  ئه‌‌و كوه‌‌ێ به‌‌رزه‌‌

یا ك چو مانشت ئه‌‌ى  ئاهوو ته‌‌رزه‌‌

ئه‌‌ێ مامۆستایله‌‌ بكه‌‌یم یادێان

تا ده‌‌رچوو خه‌‌م و خوسه‌‌و دادێان

قه‌‌ڵه‌‌م سه‌‌رده‌‌سه‌‌ێ ئه‌‌ێ خه‌‌باته‌‌سه‌‌

شێركو  په‌‌روه‌‌رده‌‌ێ ئه‌‌ێ وڵاته‌‌سه‌‌

یاشاریش وه‌‌كوو ره‌‌وشه‌‌نبیرانه‌‌

براێ ره‌‌فیقم له‌‌ ئه‌‌ێ ئێرانه‌‌

سه‌‌ردارێ كه‌‌ڵێن سه‌‌ڵاحدینه‌‌

شێره‌‌یل جه‌‌نگ سه‌‌لیبى بوینه‌‌

ناودار كوردى  هاو گه‌‌ورا ماڵه‌‌

مارشاڵ كورده‌‌ ئه‌‌و پیر زاڵه‌‌

دو شێر له‌‌ شوونى هه‌‌ر دو ئازاده‌‌

ئرا كوردسان شێر دڵداده‌‌

ئویشن گه‌‌ورا ماڵێ هاو خانه‌‌قینه‌‌

مه‌‌لاى ناودار كه‌‌ڵڕ نشینه‌‌

په‌‌شێو  شاعێرێ كورده‌‌ێ دڵداده‌‌س

مه‌‌ردووخ  مێژوودار سه‌‌وڵ ئازاده‌‌س

گۆران  سواره‌‌ێ  ئێڵخانى زاده‌‌

هه‌ردو وه‌‌ك دارێ به‌‌رز و ئازاده‌‌

كوردستان ده‌‌نگد بیلا باێگه‌‌ گووش

باشوورنشینه‌‌یل نه‌‌كه‌‌ى فه‌‌رامووش

ئیمه‌‌یش چوى گشتێ كورده‌‌یل په‌‌شێویم

دڵ هه‌‌م ته‌‌زار شێعر په‌‌شێویم

ئیمه‌‌یش چوى كورده‌‌یل دڵ هه‌‌م ته‌‌زاریم

دڵ هه‌‌م ته‌‌زار شێعر هه‌‌ژاریم

مامۆستا هێمن ورد زووانه‌‌

ورد زووان پیر و جوانه‌‌

ناڵه‌‌ێ وه‌‌فایى چه‌‌نێ خه‌‌مینه‌‌

جوور ئاربابا دڵ ئاگرینه‌‌

مامۆستایل كورد ئه‌‌ژنه‌‌ون كوردم

تا كه‌‌سى نه‌‌ویشێ م‌ بێ كه‌‌س مردم

تا ئیوه‌‌ دێرم بێ كه‌‌س ناتمه‌‌

باكم له‌‌ كه‌‌س نى خودام شاتمه‌‌

ئه‌‌ێ ئاو و خاكه‌‌ ئه‌‌ێ نیشتمانه‌‌

یه‌‌ێ ده‌‌ف تر بویشم جى گیشتمانه‌‌